كيف اتصرف مع زوجي طفشت منه

[مشكلتي]

كيف اتصرف مع زوجي طفشت منه

مشكلتي بدون مقدمات ياناس طفشت من زوجي ,احنا فترة ملكه الحين ونكلم بعض
يقهرني مو مثل باقي الرجال مايعرف يقول كلام حلو ولا يعرف يعامل المره
بس ينكت ويقول سوالف بايخه
واذا قلت شيء عن مدح الناس لي احسه يتضايق ويغير الموضوع او يتريق
مدري هل هو متعمد يبغا يقلل من قيمتي او غباء منه
ماسك لي كلمة خبله على كل شيء
ولما بينت له ان الكلمه هذي ماله داعي يقولها لي صار بكل موقف يصير يقول شفتي قلت لك انتي خبله
مع انه وربي هو الخبل مايعرف يتكلم مثل الناس ولا مره جاب لي هديه مثل الازواج
حتى بيوم الملكه لا هديه ولا جوال ولا غيره
اقسم بالله اني ندمانه اني وافقت اتزوجه
أحس احيانا اني متزوجه حرمه
اول مره اشوف واحد يغار اذا احد مدح زوجته او حس انه لها مكانه عند الناس اللي حولها
يبي يكون كل شي عنه وبس
أحيانا نفسي اقول له مابيك مافيك شي حلو

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: منتدى مشكلتي - مشكلتي

---

;dt hjwvt lu .,[d 'taj lki

[¥ ¤هامتي فوق¤ ¥]

تمت الموافقه
ماعندي شي اقوله
بس هي كلمه وحده
عيــــــــــب عليك تقولين عن زوجك غبي وحرمه

[شذى الحنين]

اسمعي حبيبتي اذا ما انتم متوافقين انفصلوا بس دخيلك لاتتزوجون بكره وتصير مشاكل ثم تطلقين وانت ثيب
الله يجبر بخاطرك بس لاتشوفين نفسك عليه يمكن هو يحس بشي مثل كذا واسلوبك فيه تكبر او مدح زياده
افهميه علشان يفهمك

[المــلاك]

حاسة انك شايفة حالك عليه وهون المشكلة
فعلا عيب انك تحكي عن زوجك هيك
انا شايفة انه هو بتصرف على طبيعته وما بتصنع ولا بنافق
انتي بتقدري باسلوب حلو تتعاملي معه وتغيريه متل ما بدك دايما البداية بتكون كتير صعبة
ونصيحة مني اذا ما بدك تحترميه وتحكي عنه بهالطريقة انفصلي عنه احسن والله يعوضك
ولا تنسي الاستخارة قبل اي خطوة
موفقة

[ثقتي بالله تكفيني]

توك في فترة الملكه ويبي لك وقت علشان تعرفون بعض اكثر
بعدين انا اعرف ناس يتملكون ولا يشفون ولا يكلمون بعض ولا فيه هدايه بينهم الإ بعد الدخله وحياتهم وش زينها
انا ضد المكالمات فتره الملكه مالها اي داعي ابد .
(وجهة نظر )

[fankoshy]

تزعلي من كلمه خبله وانتي تصفيه بالغبي والحرمه
وزوجك ان يكون غيور افضل من انه يكون ديوث
لا تشوفي نفسك عليه

[قمر الليله]

الله يصلح حالك

[هموسه الروح]

يعينك الله كثرى قرب من الله بطاعات واستخيرى بامنكم بفتره خطوبه

[بيادرالوفاء]

زوجك عفوي ،، تقدري تغيريه باسلوبك

[ساااار]

كتبت رد طوووووووووووووووووووووووووووويل وقطع النت وانقهرت
لكن بإختصار غيري اسلوبك معاه
ما يقولك كلام حلو انتي قولي له وبعد فتره يتعود عالكلام الحلو
وترا اغلب المشاكل بين الزوجيين بسبب عدم الوضوح والصراحه
واسلوبك صدقيني مثل اسلوووبه لكن منتي حاسه على نفسك
والهدايا حاولي تجيبين له هدايا بسيطه بإستمرار .. يمكن يجهل هالامور
اهم شي غيري من نفسك

[للحياة معنى اخر]

زوجك اجتماعي وعنده اصدقاء كثير والله اعلم ولكن هذا النوع لا قال ياخبله ردي عليه بمزح عشان كذا تزوجتك وقولي الخبل مايحب الا الخبله لو زعل فهميه انك تحملتي كلام ايام هو ما اتحمله دقايق ولازم يعاملك زي ما تعامليه

[هذا نصيبي من الحياه]

الله يهديكم كليتو البنت
البنت ماغلطت واي وحده منكم او واحد يبي الكلام الحلو ولو مالقت الكلام الحلو والغزل ايام الملكه متى بتلاقيه
مو من حقه يقول لك خبله
وانه يغار عشان الناس تمدحك ويبي كل شي لنفسه هذا اناني ومتكبر
ليش ماتدلع زوجتك وتشبعها بكلمات حلوه مو من حقها تحس بهالشي
انتي اسفهيه فتره ولارد قال وش فيك
قولي من اسلوبك كرهت اكلمك
وهو يفهمها
طلعي اللي بقلبك كله لاتخليشي بخاطرك
خليه يفهم وش انتي تحسي فيه معه
الله يهديكم بس ماله داعي تقولي ماابيك وكلام ممكن يتسرع ويطلق وتندمي
ربي يسعدكم

[طيوور]

الله يصلح الحال