منتدى الحياة الزوجية | دليل النساء المتزوجات | الثقافة الزوجية والعائلية

منتدى الحياة الزوجية | دليل النساء المتزوجات | الثقافة الزوجية والعائلية (http://forum.z4ar.com/)
-   منتدى مشكلتي - مشكلتي (http://forum.z4ar.com/f116.html)
-   -   ][تعقيب 1][ ما دور الزوجة في بيتها .... زوجتي مثلا (http://forum.z4ar.com/f116/t244822.html)

مشكلتي 05-09-2012 08:19 AM

ما دور الزوجة في بيتها .... زوجتي مثلا
 
السلام عليكم ورحمة الله وبركاته ..... هذا موضوعي الاول

http://forum.z4ar.com/f116/t244580.html


اشكر كل من عقب وادلى بدلوه مع انو لي عتب على بعض الاشخاص الذين قاموا بالتجريح واطلاق التهم وانا طلبت النصح فقط في مثل حالتي .... اعجبتني بعض الردود والحمد لله انه النساء معترفين بهذا الشئ انه من حق الزوج يلاقي احد يهتم فيه ويسئل عنه ويسوي له اشياءه .... الاشخاص اللي يقولون انه انتا ماتزوجت خدامة طيب وهي ايضا ماتزوجت سواق صح والا لا ؟؟ يعني انتا تصرف عليها وتوديها وتمشيها وتبسطها زي مالها حق عليك لك حق عليها والا انا غلطان ؟؟ زوجتي تسوي لكن هيا مدلعة كانت وكان عندهم خدم فالشئ هذا جديد عليها واتوقع مع الوقت تتعدل هي تكره الكويييييي تقول وديها المغسلة يكووها وانا معارض مادري معايا الحق او لا ؟؟ هي كسولة شوية لكن تسوي الشئ بعد مناحلة وللعلم بيتي صغير فقط غرفتين والله يكتب مافيه الخير .

الربابه 05-09-2012 09:08 AM

رد: مادور الزوجة في بيتها .... زوجتي مثلا
 
الْسَّلامُ عَلَيْكُمْ وَرَحْمَةُ الْلَّهِ وَبَرَكَاتُه
الْكَلِمَةُ الْطَّيِّبَةُ صَدَقَةٌ

ضحية ظالم 05-09-2012 10:11 AM

رد: مادور الزوجة في بيتها .... زوجتي مثلا
 
الحياة الزوجيه ماتمشي ولاتتعمر البيوت وتملى بالحب والحنان والاطفال الا بالصبر والتغاضي

يعني لو كل زوج اشتكى من تصرفات زوجته ودقق عليها وعلى تصرفاتها والله لن نجد بيت واحد عامر

الحياة ما تمشي الابالصبر انصحك بالتغاضي وحسن التعامل

انت اعترفت انها ضحيه تربيه دلع يعني الحين وقتك تخرجها من الدلع بالحب والحنان والمعامله الطيبه

وحبه حبه بتتعلم والايام قدامك تشوف النتيجه

اما الكوي فاغلب النساء اذا ماعندهم شغالات الكوي عند المغسله والا ماشفت المغاسل اكثر من المطاعم لان الناس اغلبهم يكوون عندهم

لاتكبر الامر وتحمل زوجتك وعاملها مره كطفله ومره كحبيبه وخليك بين مد وجزر ومع الوقت بتجني ثمار صبرك

والله يسعدكم ويسخركم لبعض يارب,


متفائل م ن 05-09-2012 10:14 AM

رد: ما دور الزوجة في بيتها .... زوجتي مثلا
 
شوف لازم تعرف انك جالس تبني اساس بيتك وحياتك وعيشه اولادك من الان ..

واذا زوجتك ما عندها شئ يشغلها دراسه او وظيفه.. لازم تتحمل مسؤوليه الغرفتين كامله .. وعلى فكره

اغلب البنات مدلعات عند اهلهم وعندهم خدم لكن مو معناتها ياكلون ومايشيلون السفره .. والوحده منهم اذا تزوجت

خلاص تعرف ان عليها واجبات ومسؤوليه بيت .. وبالعكس الوحده تنبسط اذا جاء زوجها وشاف لمساتها الحلوة بالبيت

وكل يوم تجرب فيه طبخه لحد ما تتعلم .. المهم انها تبغى تتعلم وحاسه بالمسؤوليه ..

انتبه انت الان جالس تبني حياتك مع زوجتك .. فرتب حياتك بالطريقه الصحيحه ..

الشيخه الهنوف 05-09-2012 12:46 PM

رد: ما دور الزوجة في بيتها .... زوجتي مثلا
 
ليه معارض الكوي انا وعندي شغاله يؤديه عادي.
اما سواق ههههه والله تلعبون علي أنفسكم. ما فيه مشكله أغير أدور مع رجلي وأكون سواق
معك حق المفروض تهتهم بس انت قوالها ورأ ح تتغير
لا كلمه للرجال لم انت يسواق تطلعونا تنبسط معنا لكن لم نكرف بالبيت ما تكونون معنا
شتان بين تلك وتلك. لا تلعبون علي أنفسكم تراكم بطلعت اروح تسون اشغله فلا تسون أنفسكم ضحيه
حسبي الله
:icon30:

زوجة حامد 05-09-2012 01:30 PM

رد: ما دور الزوجة في بيتها .... زوجتي مثلا
 
زوجتك تتدلع
انت أدبها بطريقه ثانيه
يعني كل ماتدخل شرشحها وسمعها كلمتين ععن ان البيت يسدالنفس وانه مومرتب وانك كرهت الرجعه له من قد ماهو يجيب اﻷكتئاب
وإلاأحرجها وحطها قدام اﻷمر الواقع ومر أهلها او اهلك وخذ امك او امها
عشان تنحرج لاشافتها داخله عليها فجأه والبيت حوسه
انا اعتقد انها قاعده تعملل كذا عمدآ عشان تضطر تجيب لها خدامه بس خلك أذكى منها وخلها تنظف غصبآ عنها
بحريم آخر زمن مو شاطرات إلا بقمصان النوم والحركات الرومنسيه والباقي ماهمهن ع بالهن العرس بس.....

ام علاوي واخته 05-09-2012 01:32 PM

رد: ما دور الزوجة في بيتها .... زوجتي مثلا
 
اي صحيح غالبا البنات في بيت اهلهم مايشتغلون متعودات ع الراحه بس مو معناته انهم مايعرفوا يشتغلون

انا وحده منهم ببيت اهلي ماشتغل مافي شي اصلا اسويه ولا اطبخ ولاشي
بس يوم تزوجت قمت اطبخ وانظف واسوي كل شي
وصراحه كان زوجي يشجعني ويساعدني اوقات يكون فاضي او انا عندي اختبارت المدرسه يتعاون معي
واذا هي مو متعوده ع الشعل مستحيل من البدايه تسوي كل شي
لازم لها فتره عشان تتعود ع الكرف اليومي
ومايحتاج تزعل عليها اذا مانظفت كلمها وقول لها اذا جيت وشفت البيت نظيف انبسط منك
واذا نظفت امدحها وبالغ بالمدح عشان تشجع اكثر
وع الثيابك وش فيها توديها المغسله
مافيها شي بالعكس المغسله تسويهم احسن من كوايت البيت
واذا تبي هي تكويهم قولها انا احب اشوف لامساتك ع ملابسي واحب البس الملابس اللي تغسليها لي وتكويها
وبالكلام الحلوه هي تحب الكوي

ملكة صنعاء 05-09-2012 04:17 PM

رد: ما دور الزوجة في بيتها .... زوجتي مثلا
 
نساء الرسول صلى الله عليه وسلم كن يخدمنه الا يجب على المسلمات الاقتداء بهن ؟؟

الحلم الممتع 05-09-2012 04:35 PM

رد: ما دور الزوجة في بيتها .... زوجتي مثلا
 
اخي الكريم

حقيقه كان الله في عونك ( فالنظافه من الايمان ) وقله النظافه لا يدل على اتكاليه زوجتك على الخادمه في بيت اهلها وانما لانها هي انسانه كسوله بطبيعه الحال فكثير من البيوت يوجد بها خادمات وليس خادمه واحده فقط ومع ذلك تجد سيده وصاحبه هذا البيت هي من تقوم باعمال بيتها الرئيسيه وخصوصا الطبخ والاهتمام باطفالها ...

والى الاخوه وخصوصا في موضوعك الرئيسي الذين يقولون شرعا ليس واجبا عليها ان تطبخ او تنظف وانما عليها واجب الطاعه ...

عجبي ... الطاعه في ماذا اذا ... اليس طاعه ان امرها بالطبخ او النظافه او الغسيل ... لا اعلم ما هي الطاعه التي تتكلمون عنها

كفانا تحريفا ومفاهيما خاطئه لامور حياتنا وديننا ...

ان كانت لا تبيض وجه زوجها امام ضيوفه ولم تبيض وجه اهلها امام زوجها فلا خير في زوجه كهذه ...

ان كانت الزوجه لا تنتصح لزوجها ان نصحها بالنظافه والاهتمام والطبخ فلا لوم على الزوج مهما بدر منه فالزوج يبحث عن حياه مستقره آمنه ولذلك تزوج ولكنه لم يتزوج ليخدم زوجته وينظف من خلفها ... الله المستعان ...

اخي الكريم ... افرض نفسك ورجولتك وشخصيتك عليها فانت من تدفع ثمن هذا الوضع وستدفعه باطفالك وتربيتهم على الكسل وقله النظافه والاعتماد على الغير ...وزوجتك لا بد لها من اعاده تأهيل حتى تعرف ما معنى مسؤوليه زوج وبيت كله غرفتين ...

همسه ... ما أقبله لزوجتي أقبله لاختي وامي وبنتي في بيوت ازواجهن

وفقك الله

pinkbolt 05-09-2012 04:40 PM

رد: ما دور الزوجة في بيتها .... زوجتي مثلا
 
انزين ليش ماتتفقو مع بعض قول لها ملابس الخروج غسليها وبوديها المغسلة يكوونها بس بشرط عليج تنظيف وطبخ وترتيب وابا اشوف البيت مرتب دايما ( الكوي شغلته شغلة ويكسر الظهر اذا كان واجد واهي مو متعوده)
وبصراحة انت مابينت لنا اشلون وضعك المادي عشان نفيدك اكثر يعني لو كنت مرتاح ماديا والله مافيها شي تريح زوجتك وتجيبلها خدامة يومين ولاثلاث بالاسبوع
ولاتنسى خيركم خيركم لأهله
واغلب البنات مدلعات ببيت اهلهم ويحتاجون وقت عشان يتأقلمون مع الوضع الجديد

I am different 05-09-2012 04:44 PM

رد: مادور الزوجة في بيتها .... زوجتي مثلا
 
اقتباس:

المشاركة الأصلية كتبت بواسطة ضحية ظالم (المشاركة 8534925)
الحياة الزوجيه ماتمشي ولاتتعمر البيوت وتملى بالحب والحنان والاطفال الا بالصبر والتغاضي

يعني لو كل زوج اشتكى من تصرفات زوجته ودقق عليها وعلى تصرفاتها والله لن نجد بيت واحد عامر

الحياة ما تمشي الابالصبر انصحك بالتغاضي وحسن التعامل

انت اعترفت انها ضحيه تربيه دلع يعني الحين وقتك تخرجها من الدلع بالحب والحنان والمعامله الطيبه

وحبه حبه بتتعلم والايام قدامك تشوف النتيجه

اما الكوي فاغلب النساء اذا ماعندهم شغالات الكوي عند المغسله والا ماشفت المغاسل اكثر من المطاعم لان الناس اغلبهم يكوون عندهم

لاتكبر الامر وتحمل زوجتك وعاملها مره كطفله ومره كحبيبه وخليك بين مد وجزر ومع الوقت بتجني ثمار صبرك

والله يسعدكم ويسخركم لبعض يارب,


اتفق معاكي


تقدر تكسبها بسهولة وبذكاء مع شوية شدة اذا لزم الامر

غامديه وبس 05-09-2012 05:54 PM

رد: ما دور الزوجة في بيتها .... زوجتي مثلا
 
خلآص الكوي مو لآزم زوجتك تكوي ....شيل الملآبس عالمغسله ...والله أعرف ناس مع وجود الشغاله الملآبس في المغسله ...يعني أنت لاتدقق ...بتتعب ...ولو جيت على نفسك تلآقيك أكيد مقصر معها ...

فلآتطلب الكمال في زوجتك ...و( سالفة السواق ) بصراحه مالها داعي ...ومقارنه ظالمه ....

غربة ألم 05-09-2012 07:48 PM

رد: ما دور الزوجة في بيتها .... زوجتي مثلا
 
بكل صراحه زوجتك احسها انسانه وسخه
يعني بالله في واحده في الدنيا هذي تبغى زوجها يشوف شيء مو كويس او نظيف في جسمها .. اكيد لا
فمابالك بواحده بيتها كله وساخه وحوسه والمطبخ مواعين مكركبه ووسخه والريحه تلعلع في البيت
وععععععععيه
اجل كيف الحمامات
اقول مالت عليها وعلى التربيه اللي تربتها
وش هالنجاسه كل البيت غرفتين الله اكبر ماتقدر ترتبها في ساعه والله يمديها وبالراحه تخلص البيت كله وتهتم بنفسها وتجهز غداك وتنتظرك بكل اهتمام ونظافه
هذا وماعندكم عيال والبيت وسخ بهالشكل
اجل لو صار عندكم واحد والا اثنين
اتوقع بتلاقي حفايظ البزران على الكومدينا جنبك
والله لاعت كبدي منها
ولو كانت جاره لي مستحيييييل آكل او اشرب عندها
النظافه النظافه اهم شيء في الحرمه سواء في نفسها او بيتها وزوجها
ومسألة كوي الملابس ايوه الله لا يهينها تكوي وشهوله متزوجه الاخت تبغى بس تكبر المخده وتنام وتتقلب من جنب لجنب
والله لو نظمت وقتها ان يمديها تغسل وتكوي وترتب وتطبخ وتهتم بنفسها وبتلاقي نفسها كل اليوم فاضيه بس هيه شافتك ساكت وقامت تتدلع ومادرت انها قاعده تطين عيشتها لانك بتبدأ تقرف منها
والله واحده من صاحباتي لما خطبوها ام زوجها سألت امها البنت تعرف تطبخ وتهتم بالبيت !؟؟
طبعا ام البنت زعلت وشافتها استنقاص في تربيتها لبنتها بس سكتت وردت وقالت ايوه تعرف وتربيتي وانتم خذوها وشوفي بنفسك ولو ماطلعت ست بيت رجعيها اول اسبوع
وام العريس اعتذرت انه ماقصدت تضايقهم بالسؤال بس والله بعض بنات هاليومين شكل وبس
والولد حرام يدفع مهر ومصاريف والنتيجه للاسف واحده ماتعرف شيء عن الزواج ومسؤوليته

وبصراحه مالمتها لما قريت مشكلتك
والله زوجتك يبغالها تعطيها في وجهها كاااااااااش وتقول لها قرف وانك ماتحب الوساخه وانه وضع البيت ووساخته مو عاجبتك وخيرها ياترتب البيت والمطبخ وتبخره وتهتم فيك وفي غسيلك ولبسك ياتنقلع بيت ابوها وتتعلم كيف النظافه ووقتها ترجع
والله الواحد يتزوج يبغى الراحه والنظافه والترتيب مو يتزوج والوساخه في كل مكان
كان جلس عزابي احسن ..
والله يعينك على حرمه مثل هذي .. والله انها مصيبه ..

الشيخه الهنوف 05-09-2012 09:16 PM

رد: ما دور الزوجة في بيتها .... زوجتي مثلا
 
اقتباس:

المشاركة الأصلية كتبت بواسطة غربة ألم (المشاركة 8536874)
بكل صراحه زوجتك احسها انسانه وسخه
يعني بالله في واحده في الدنيا هذي تبغى زوجها يشوف شيء مو كويس او نظيف في جسمها .. اكيد لا
فمابالك بواحده بيتها كله وساخه وحوسه والمطبخ مواعين مكركبه ووسخه والريحه تلعلع في البيت
وععععععععيه
اجل كيف الحمامات
اقول مالت عليها وعلى التربيه اللي تربتها
وش هالنجاسه كل البيت غرفتين الله اكبر ماتقدر ترتبها في ساعه والله يمديها وبالراحه تخلص البيت كله وتهتم بنفسها وتجهز غداك وتنتظرك بكل اهتمام ونظافه
هذا وماعندكم عيال والبيت وسخ بهالشكل
اجل لو صار عندكم واحد والا اثنين
اتوقع بتلاقي حفايظ البزران على الكومدينا جنبك
والله لاعت كبدي منها
ولو كانت جاره لي مستحيييييل آكل او اشرب عندها
النظافه النظافه اهم شيء في الحرمه سواء في نفسها او بيتها وزوجها
ومسألة كوي الملابس ايوه الله لا يهينها تكوي وشهوله متزوجه الاخت تبغى بس تكبر المخده وتنام وتتقلب من جنب لجنب
والله لو نظمت وقتها ان يمديها تغسل وتكوي وترتب وتطبخ وتهتم بنفسها وبتلاقي نفسها كل اليوم فاضيه بس هيه شافتك ساكت وقامت تتدلع ومادرت انها قاعده تطين عيشتها لانك بتبدأ تقرف منها
والله واحده من صاحباتي لما خطبوها ام زوجها سألت امها البنت تعرف تطبخ وتهتم بالبيت !؟؟
طبعا ام البنت زعلت وشافتها استنقاص في تربيتها لبنتها بس سكتت وردت وقالت ايوه تعرف وتربيتي وانتم خذوها وشوفي بنفسك ولو ماطلعت ست بيت رجعيها اول اسبوع
وام العريس اعتذرت انه ماقصدت تضايقهم بالسؤال بس والله بعض بنات هاليومين شكل وبس
والولد حرام يدفع مهر ومصاريف والنتيجه للاسف واحده ماتعرف شيء عن الزواج ومسؤوليته

وبصراحه مالمتها لما قريت مشكلتك
والله زوجتك يبغالها تعطيها في وجهها كاااااااااش وتقول لها قرف وانك ماتحب الوساخه وانه وضع البيت ووساخته مو عاجبتك وخيرها ياترتب البيت والمطبخ وتبخره وتهتم فيك وفي غسيلك ولبسك ياتنقلع بيت ابوها وتتعلم كيف النظافه ووقتها ترجع
والله الواحد يتزوج يبغى الراحه والنظافه والترتيب مو يتزوج والوساخه في كل مكان
كان جلس عزابي احسن ..
والله يعينك على حرمه مثل هذي .. والله انها مصيبه ..

والله مؤ أوسخ من أسلوبك ًالكلمه الطيبة صدقه وانتي. وعععع وش تحسين فيه. انتي ?!??!?? ويقول ليه إنساء اكثر اهل النار
لا نفعتي الرجال بكلمه انت وقرقك عيب انتي جالسه تسوين فتنه يالوصخه بأسلوبك الله ينتقم منك

غربة ألم 05-09-2012 11:11 PM

رد: ما دور الزوجة في بيتها .... زوجتي مثلا
 
^^^^^^^^
والله حبيبتي هوه سأل اللي تسويه عاااادي والكل يسويه او لا
وانا اشوف المواعين لما تتكركب في المطبخ بعد الطبخ الين اليوم الثاني وماتنغسل وتطلع ريحتها
والسفره اللي ماتنلم والاكل عليها والبيتاللي يمشي الواحد فيه ويحس انه في متاهه من كثر الاغراض المرميه
اتوقع واكل يعرف ان هذي تسمى (( وساااااااااخه )))
والا هيه نظافه من وجهتك نظرك
ما ادري يمكن انتي مثلها وشايفه الوضع عادي
او انك ماقد تزوجتي ومو عارفه وش المسؤوليات المطلوب من الزوجه تعملها في بيتها ومن اهمها نظافة المسكن والمأكل والمشرب
هذا بين مو زريبه تتراكم فيه الاوساخ
والا زوجها ما كان اشتكى من الوساخه

حبيبتي من تجربتي كزوجه وام وربة بيت المرأه السنعه سنعه ونظافتها تنعرف من شكل زوجها
وبعدين ورينا نصيحتك ياحلوه
مادام انك شايفه ان اللي سوته زوجته صح
وش رايك مثلا هوه يلبس المريه ويطبخ مكانها ويكنس
وهيه ياعيني عليها لازم ترتااااح وبس
اذا كنتي متزوجه الله يستر عليك تعرفين ان الزوج يحب البيت النظيف
وان كنتي بااااقي ماتزوجتي انصحك ياماما ترا الرجال اهم شي عنده في زوجته بعد اخلاقها نظافتها في نفسها وفي بيتها
واللي مو قد الزواج لا تتزوج ياعمري
والله الواحد بيتزوج علشان يودي ملابسه المغسله على طول
كان جلس عزابي احسن ..


الساعة الآن 11:17 AM.

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Optimization by vBSEO 3.3.0
جميع الحقوق محفوظه لـ منتديات دليلك للحياة الزوجية - علماَ بان مايكتب بالمنتدى يمثل وجهة نظر الكاتب نفسه