كيف اتصرف مع زوجي

[مشكلتي]

كيف اتصرف مع زوجي

السلام عليكم

انا متزوجة لي 12 سنة وزوجي فيه صفة مي حلوة ابداً يعلم كل اهله
اننا خرجنا لااتصل عليه أخوه او امه او اخته وينك يقول مودي اهلي للسوق
واوقات اكون رايحه للسوبر ماركت او للسوق ووتتصل عليه
اخته ويمر عليها يآخذها معاي
امس خرجنا للمطعم ومر زوجي على اهله بعد مارجعنا من المطعم
وقالت ام زوجي لبنتي من وين جايين قالت من البيت وتعيد عليها
مرة ثانية من وين جايين قالت من البيت ولمن جاء زوجي قالت له
وين مودي عيالك قال وديتهم للمطعم يتعشون فيه وانا لمن قالت لي
بنتي السالفة تخاصمت مع زوجي ليش تعلم امك اننا خرجنا قال
والله لااعلم كل الناس ومن امس وانا متزاعله معاه وافكر احرمه
اسبوع لعشان يتوب من النفاق اللي فيه
كيف اتصرف مع زوجي هالمنافق والله من يوم ماتزوجت ماعمري
علمت لااهلي ولا اهله بشيء عن حياتنا وزوجي يعلم اهله
وامه كمان لارحت لها تقول لي من وين جاييها اقول لها من بيتي
تقول قولي الحقيقة
كيف اتصرف مع زوجي وامه ريحوني الله يريحكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: منتدى مشكلتي - مشكلتي

---

;dt hjwvt lu .,[d

[الشرف المروم]

تمت الموافقة

[الله احبك رسولي احبك]

حبيبتي عادي اصبري اذا قصدك بس على الطلعات
عادي زوجي اهله الله يحفظهم يدقون عليه انت وين يقول ويا اهلي بالسوق او بالمطعم
اما اذا قصدك يقول كل شيء بينكم وخصوصياتكم لا(كلميه بهدوء)
ومثل ماقلت لك اذا قصدك بس الطلعات خليهم يدرون شنو يعني
وبالنهاية خليكي احسن وتعاملي باللتي هي احسن
لاتجيبين لروحك المشاكل وانك تدققين على كل صغيرة وكبيرة
ترة بالحياة الزوجية احيانا التطنيش مطلوب
طنشي
مووووفقة

[زهــقــآن]

ههههه

عساها أكبر همومك هالمشكلة

دام الرجال ما يتكلم بأمور خاصة جدآ / أشوف الموضوع عادي والله

صحيح لابد من الخصوصية بالحياة الزوجية ، لكن فيه أمور نتغاضى عنها مجبورين

العتب على أهله .. ليش الأسئلة على الطالعة والنازلة / رجال طالع هو وأهله وش أبي فيهم أسأل عنهم ..!!

[اخصائي اجتماعي1]

شوفي ياختي انتي بتقولي ام زوجك



والله يابنت الحلال اذا كذب على امه تاكدي انه بيكذب عليكي انتي بعد




تبي خصوصياتك انت من حقك لاكن في اشياء والله ماتسوى




كبري مخك مشاء الله انتي لك 12 سنه متزوجه وللأن ماتعلمتي شيئ ؟



والله الموضوع جداً تافه




احرميه واكسبي ذنوب بلا داعي وبكره تعالي اشتكي زوجي ينفر مني



انتبهي على بيتك ولا تخربي



شكله من زمان ماحصل لكي مشاكل وتبي مشاكل الظاهر



الله يعينك على نفسك

[ساره الشهري]

الحمدلله اشوفها انها مو مشكله تحتاج لها حل
انا عادي اي مكان اروحلو اخبر اهلي واهله احسها اشياء تاافهه ماتحتاج اخبيها وبالعكس افرح اذا خبرتهم ههههه
ممكن خصام بينك وبين زوجك اسرار بيتك ماتخرج لكن ع الطلعات احسها شي عادي
بس اذا انتي شايفتها مشكله ومتخاصمة مع زوجك عشان هالسالفه فالله يعينك تدوري من الحبة قبه ماله عازة الزعل
تعوذي من ابليس سيبي عنك هالسالفه وتصالحي مع زوجك واحمدي الله ع هالمشكله لاتجيك اكبر منها

[إنفجار الحب]

والله أنا بالنسبة لي الأمر جدا جدا عادي لا فيها لا نفاق ولا غيره

بعدين المفروض إنك إنتي تعينينه على بر أهله وبر أمه

يعني وش فيها لو طلعوا معكم للمطعم أو للسوق هل قضت الدنيا

اليوم يروحون معكم وبكرة تروحون لحالكم وهكذا

لا تصيرين أنانية وتبغين كل شي لك وأهله بسلامتهم لا بالعكس

المفروض إنك تعينه على إرضاء أمه أول شي بعدين أخواته

مهوب الدعوى شغل أنانية ونذاله هذا لي لوحدي أنا بس

[خ ــال ــد]

عزيزتي:

اشوفها امور عاديه ليس فيها اي من الخصوصيات اما المواضيع الحساسه اللي بينكم هذا المفروض محد يدري عنه .

اما طلعات وروحات سوق ومطعم اشوفها مو مشكله تخليك تزعلين من زوجك ولا تأخذي الامور بحساسيه اكثر من الأزم ومايجوز كلامك تقولين احرمه واعزل عليه عشان امور ما تعتبر مشكله .

بتوفيق لكم

[نسايم الصباح]

حبيبتي والله انتي مكبرة الموضوع زوجي نفس زوجك لمن تتصل والدتة ونكون فسوق اواي مكان عادي يخبرها وعادي طنشي عشان تستمر الحياة وهذا مو نفاق ابدا وتفكري تحرمية اسبوع اسلوبك غريب
انا لومنك دحين ارسلة على الواتس احلى كلام وغزل وشوق صدقيني مايستاهل الموضوع تزعلى زوجك علية لان فية مشاكل اكبر من كذى اتمنى لك السعادة
,,

[خالدطيب القلب]

بالتوفيق انشاء الله

[حبي الأخير]

ول انتي طبعك اللي تختلق الاسرار من لا شيء

يعني تبينه يكذب مثلا؟؟

ليش هل هو تكلم عن موضوع خاص

فرضا قال لك جايبن من البيت وخاله شايفه في المطعم ومخبر أمه

وش بيكون موقفه

اتركي عنك الاسرار التافة واعطي الامور حجمها

[ندى مقبل]

عاااااااااااااااااااادي مافيها شي
هذي اموووووووور جدا عاااااااااديه
الا اذا كان يتكلم معااهم في اموووووووووووور خاااصه بينكم بقول معاااااااك الحق ...

[ميزتي بحيائي]

عادي الطلعات ما تعتبر أسرار لازم محد يعرفها....


هاذي أمه يعني تبين يجذب عليهااا....


يعني أن دروا أنكم رحتم المطعم ولا السوق...شنو بيصير....


وليش ما تعلمين أهلج.....شلون متحمله ما تقولين لأمج وخواتج وين طلعتي وشنو سويتي....



أختي الغاليه لا تسوين مشكله من ولا شي....

[sharkway20]

امرك غريب ايش فيها اذا قال حق أمه او اخوه انا طالع او جاي من المكان الفلاني مثلا او اخذ اخته طبعا بعد ما يقولك للمطعم او السوق .. ما اعتقد فيها شي يزعل هذولا اهله ولا يمكن للريال يستغني عنهم .. مدري ليش بعض الحريم تعتقد انه زوجها تزوجها وخلاص انقطعت صلته باهله لا يزورهم وممنوع عليه يقضي حوايجهم 00 فكري زين وخلي عنك العناد هذا الشي ما يستاهل انك تحرمينه من شي لان بالاخير انتي الخسرانه

[دره مكنونه]

ياشيخه
كبري راسكـ
ترى انا أشوفه شي عادي جدا

وبعدين على فكره
لاتعلمين عيالك صفة الكذب ترى مو زينه
يعني عادي وش فيها إذا رحتي المطعم
ترى الطفل على ماتعودينه
وشكلك قايله لبنتك إذا سألوك قولي لهم :
من البيت

حطيتي نفسكـ في موضوع حرج ماله داعي
حاولي تكبرين عقلك شوي

وعيشي حياتكـ انتي وزوجكـ ولا تدققين ع الطالعه والنازله بتموتين قهر ومحد حاس فيكـ

انتبهي ..انتبهي ..انتبهي

على فكره
إذا حرمتيه لاتجين بكره وتنزلين موضوع
زوجي نفر مني