منتدى الحياة الزوجية | دليل النساء المتزوجات | الثقافة الزوجية والعائلية

منتدى الحياة الزوجية | دليل النساء المتزوجات | الثقافة الزوجية والعائلية (http://forum.z4ar.com/)
-   منتدى مشكلتي- منتدى المشاكل والحلول (http://forum.z4ar.com/f116.html)
-   -   مشكلتي وتعلقي الكبير بأي رجل فوق 40 :( (http://forum.z4ar.com/f116/t292829.html)

مشكلتي 24-09-2013 02:38 AM

مشكلتي وتعلقي الكبير بأي رجل فوق 40 :(
 
السلام عليكم

انا فتاة عمري 23 والحمدلله لا ينقصني شيء اخلاقيا ولكن شكليا انا سمينه جدا وربما هذا هو سبب تأخر نصيبي والله اعلم

انا فتاة عاطفيه بطبعي وحنونه لدرجة الكل يستنكرني ويهزأني مثلا اذا كان عندي مبلغ اصرفه عالاطفال من اقاربنا ويقولون عني هبله !!

مثلا اذا شفت طفل_ه في السوق ضايع احاول اساعده واهديه وطبعا اهلي ما يحتاج دائما اختي اللي اكبر مني تهزأني وتقول اكبري

انا فاقده بابا من زمان يعني من كنت بسادس تقريبا وانا متعلقه فيه بشكل كبير كبير ولليوم اتذكره واحن له بشكل كبير :icon1366: وادعي ربي كثير عشان اشوفه بالمنام ويارب حقق امنيتي واشوفه بالمنام عشان ارتاح ,, الله يرحمه انا م نسيته من الدعاء ولكن حنيني له يكسرني ويقتلني ..كان نفسي اعيش شعور بابا اشتري لي شنطه بابا جيب لي كذا وكذا كان نفسي ازعل من ابوي ويزعل مني واخاف منه نفسي اعيش كل لحظه وثانية بحياتي وابوي موجود ,, الله يرحمه هو اصلا تعبان ومايسوق سياره لانه كبير بالسن اساسا ..

من كنت تقريبا في الثانوي صرت اتعلق باي شخص فيه شيب او في اي اب

مثلا طلعنا سوق او اي مكان عام اشوف الاباء مع عيالهم او بناتهم افرح ويمكن هالمنظر يفرحني اكثر من خروجي انا ما ابالغ ولكن هذا واقع .. احيانا اطلع من بنات من اقاربنا واخواتي وتعرفون حركات البنات يارب اغفرلنا ..}} هذاك حلو وهذا يهبل وكذا يعني

طبعا انا مهمشه لاني ما احب ولا يجذبني اي رجال شباب .. اما في احد فيه شيب انجذب له بطريقة غير طبيعيه ويشد اعجابي ..

في البدايه كنت احسب الموضوع عادي بعدين حسيته يتطور اكثر يعني كم مره في السوق لاحظت ان كم واحد يطالعني ويعني انه معجب من نظراته وكلهم يكونون فوق 40

انا فرحت بعد كم مره صار لي كذا وانا الحمدلله ماعمري اقمت علاقات لا واتس ولا تلفون ابدا ابدا مجرد نظرات وانا عارفه انو حرام ويارب اغفرلي وارفض اخذ اي رقم وكذا ..

واصريت اني ما اتزوج الا رجال كبير لاملي قلبي به .. لكن كان الهجوم من اخواتي اللي اكبر مني كبير وقالوا لي انتي ناقصه ودبه عشان كذا ماعندك ثقه بنفسك عارفه انو ماحد يقبل في سمينه
واتحديتهم انحف واتزوج شايب

اترجا امي قلت لها اذا احد تقدملي لا ترفضون قالت اصلا ماحد تقدم واذا احد تقدم ماراح يتقدم لك الا شاب

حاولت اتواصل مع خطابه واقولها عن المواصفات اللي ابيها بس نفسي م سمحت لي اني اتزوج عن طريق خطابات .. احيانا احزن وافكر واقول مين بيدري اني ابي اتزوج واحد كذا ولا احد بيتجرأ يخطبني وهو شايب الا اذا كان عارف ..

والحين بعد تفكير عميق عرفت اني غلطانه لكن انا فرحانه ومصره ومقتنعه بغلطي قلبي فارغ وماراح يمليه الا احد فيه شعر ابيض

العفو عالجرأه بس هل انا مريضه وناقصه والا طبيعي اللي فيني

هل عادي اذا تزوجت واحد كبير يعني فوق الاربعين

عماد الأرجنتيني 24-09-2013 02:50 AM

رد: مشكلتي وتعلقي الكبير بأي رجل فوق 40 :(
 
تمت الموافقة
أسأل الله لك العون

شهد الشهد 24-09-2013 03:24 AM

رد: مشكلتي وتعلقي الكبير بأي رجل فوق 40 :(
 
ياقلبي انتي الله يرحم ابوك ويجعل قبره روضه من رياض الجنان
شوفي السمنه ممكن تكون سبب رئيسي عشان احد يتقدم لك لازم تنحفي عشان نفسك مو عشان تتزوجي صح الرشيقه مطلوبه بس كمان في رشيقات متاخرات عن الزواج هيا ارزاق
مهما كان حنينك لابوكي وتوقعك ان لو تزوجتي واحد شعرو ابيض راح يكون الشخص اللي يملي قلبك هادا غلط مافي احد زي الاب ابدا ولا راح تلاقي احد يعاملك زيه حتا زوجك ،موشرط كمان يكون شعرو ابيض يكون حنون ممكن شعروه كلو بياض ويكون قاسي ، انتي صغيره تحتاجي واحد قريب من سنك يكون حنون عليكي يفهمك وتفهميه وتتوافقي يارب ربييرزقك بالرجل الحنون الشاب اللي يعوضك عن اللي فقدتيه

عايشه حياتي 24-09-2013 03:40 AM

رد: مشكلتي وتعلقي الكبير بأي رجل فوق 40 :(
 
تكلمين جدا ولا تستهبلين
اذا كنتي صادقه الله يكون بعونك
الشايب وش يجذب فيه والله ان يعيشك هم وقلق
ولاتحسبين عنده نقطه حنان مو كل اللى اعمارهم 40 مشيبين
او حنونين قولي الله يرزقني الشاب الحنون الطيب ..
والله يعيينك

ستار الكعبة 24-09-2013 07:09 AM

رد: مشكلتي وتعلقي الكبير بأي رجل فوق 40 :(
 
حبيبتي
أفكارك يبغى لها تعديل جذري
انتي شابة صغيرة عمرك 23 سنة حرام تتزوجي واحد كبير
والشايب إلي يتزوج بهالعمر وحدة صغيرة في عمرك غالبا تكون عنده مراهقة متأخرة
ويطلب طلبات غريبة من زوجته وأحيانا يكون عنده ضعف وبعد عشر سنين يتعب خلاص
ويكون عاجز وانتي بعز شبابك
نصيحة أختي لا تدفني شبابك في السمنة المفرطة .. نحفي حالك اليوم قبل بكرة
ولا تتأخري ولا لحظة وبتتحولين لإنسانة أخرى واثقة من نفسها

والزوج الشاب قد يكون أحن وأعطف عليك من الشايب إلي تبحثين عنه
الشايب يا يكون متزوج وعنده عيال بيكرهونك لأنك زوجة أبوهم أو يكون مطلق وشوفي البلا إلي فيه
أو يكون عنده مراهقة متأخرة ويبغى يمارس مراهقته السخيفة معك وبعدين يقولك مع السلامة
تكوني نزوة وبس .. نصيحة اخذي واحد متناسب معك في العمر والفكر
ونحفي حالك عن الوزن الزايد وبتتغير نظرتك للحياة

hanodah 24-09-2013 09:09 AM

رد: مشكلتي وتعلقي الكبير بأي رجل فوق 40 :(
 
ياعمري انتي

فكري بنفسك ياولادك مثل ماانتي انحرمتي من ابوك هم نفس شي لو اخذتي واحد شايب

حبيبتي فكري ترضين يصير لاولادك نفس الي. صار لك

فديتك

وقت الربيع 24-09-2013 10:04 AM

رد: مشكلتي وتعلقي الكبير بأي رجل فوق 40 :(
 
انكسارك النفسي هو اللي مسبب لك قلق..

وانتي حبستي نفسك داخل هذا الشعور.. وتعلّقتي بعذر واهي اللي هو السمنه..

يا اختي.. صحيح فقد الوالدين مؤلم وموجع..

لكن الحياة مستمرّه.. ولازم كل واحد يهتمّ في حياته بالشكل الصحيح..

الامر الاول انه لازم انتي تصححين نظرتك تجاه نفسك.. وتعزّزين الثقه في نفسك..

الامر الثاني.. انصحك بزيارة طبيب نفسي لمعالجة الانكسار النفسي اللي تعانين منّه..

online222 24-09-2013 10:16 AM

رد: مشكلتي وتعلقي الكبير بأي رجل فوق 40 :(
 
اقتباس:

المشاركة الأصلية كتبت بواسطة شهد الشهد (المشاركة 10039408)
ياقلبي انتي الله يرحم ابوك ويجعل قبره روضه من رياض الجنان
شوفي السمنه ممكن تكون سبب رئيسي عشان احد يتقدم لك لازم تنحفي عشان نفسك مو عشان تتزوجي صح الرشيقه مطلوبه بس كمان في رشيقات متاخرات عن الزواج هيا ارزاق
مهما كان حنينك لابوكي وتوقعك ان لو تزوجتي واحد شعرو ابيض راح يكون الشخص اللي يملي قلبك هادا غلط مافي احد زي الاب ابدا ولا راح تلاقي احد يعاملك زيه حتا زوجك ،موشرط كمان يكون شعرو ابيض يكون حنون ممكن شعروه كلو بياض ويكون قاسي ، انتي صغيره تحتاجي واحد قريب من سنك يكون حنون عليكي يفهمك وتفهميه وتتوافقي يارب ربييرزقك بالرجل الحنون الشاب اللي يعوضك عن اللي فقدتيه

بالتوفيق ياقلبي بخصوص الرجيم ترى هي بداية اول اسبوع وبعدها خلاص تتعودين اتمنى اسمع عنك اخبار زينه

الحلم الممتع 24-09-2013 10:23 AM

رد: مشكلتي وتعلقي الكبير بأي رجل فوق 40 :(
 
رائي بإختصار شديد فالامور واضحه جدا ولا تحتاج منكِ الى قلق ولا الى تعقيدات كثيره

عندما يتقدم الى خِطبتك شاب صغير ادرسي وضعه ومواصفاته واستخيري في الامر

وعندما يتقدم لخطبتك أيضا رجل في الاربعين ادرسي وضعه ومواصفاته واستخيري في الامر

والامر منتهي تماما صدقيني ...!!!

لا تستبقي الحدث قبل وقوعه ... واطلبي الخير من الله حيث كآن ولا تجيري شيئا على آخر

وفقكِ الله

مقهوره 22 24-09-2013 10:27 AM

رد: مشكلتي وتعلقي الكبير بأي رجل فوق 40 :(
 
ياحبيبتي السمنه. مو هديك المشكله انا زوجي. كان يقولي اسمني قد ماتقدري بس انك. تتزوجي واحد فوق الاربعين. حرررررررام. لانك بتندمي بعد سنه صدقيني مهما حبيتيه. فعقلي. وادعي ربك يهب لك الزوج الصالح

االغلاااااا 24-09-2013 10:51 AM

رد: مشكلتي وتعلقي الكبير بأي رجل فوق 40 :(
 
هههههه حبيبتي انتي


اول شي اذا بتنحفين عشان نفسك مو عشان احد


والشيب الحين طالع بالشباب قبل الشياب


زوجي من عمره ٢٦ وشعره فيه بياض


انتي تبين الحنان وزوج واب بنفس الوق مو شعر ابيض وبس

Hopeless love 24-09-2013 03:15 PM

رد: مشكلتي وتعلقي الكبير بأي رجل فوق 40 :(
 
حبيبتي الله ييسر امرك
نصيحة انتبهي لنفسك و دراستك و اشغلي نفسك بأي شي عن هالافكار
مو كل شايب حنون ومو كل اب حنون انتي فاقدة هالشعور و تبحثين عنه في الشيب
و كبر السن فكري في التوافق في التفاهم في الاطفال في اشياء اكثر واقعية
اسمحي لي شايب يتزوج بنت صغيره هدفه معروف كلها فترة و ينتهي لكن انتي
وش راح يكون مصيرك بعدين و مستقبلك كيف شكله و وضعك الاجتماعي والنفسي
الله يوفقك و يرزقك بالزوج الطيب الحنون اللي يعوضك عن الحنان اللي فقدتيه..

REEMA1 24-09-2013 03:20 PM

رد: مشكلتي وتعلقي الكبير بأي رجل فوق 40 :(
 
فاقده حنان الاب وتبي تعوضينه في اي شبيه لابوك اي رجال شايب


ترى ماهو كل شايب مثل ابوك وماهو كل اب حنون

وش تبغي تتزوجي شايب من جدك انتي تحسبينه بيكون حنون عليك مافكرتي باولاد فى نفسك بعد 10 سنوات لما يتعب الزوج الشايب او يموت ثم اولادك يعيشون تجربتك

اسألي الله الزوج الحنون وفى حرمه كبيره الله يذكرها بالخير تقول لنا دايم قبل لا نتزوج الله يرزقكن (بالمال والبنون والزوج الحنون )

فانتي ادعي رب العالمين بالزوج الحنون المحب الشاب الى يسعدك ويكون ابوك واخوك وزوجك وحبيببك

فقدتك ي روح بنتك 24-09-2013 03:34 PM

رد: مشكلتي وتعلقي الكبير بأي رجل فوق 40 :(
 
ووربيّ مريت بنفس مرحلتك وكل تفكيري أرتبط بشخص كبير
يعني تفكيري مو الأربعين لاوربيّ أكبر هذا كلوههّ لإني فقدت أبوي
بس بعدهإ فكرت بعقلي أنو مو كل رجأل نفس شخصية أبوي لأني شفت
كثير رجآل كبأر بالعمر وخأصتأ باللامأكن العامه وبالأسواق تحسينهم مرأهقين وخفة عقل ،
عشأن كذا غيرت نظرتي وارتبطت بشخص بعمري

نصيحتي لك ، بمإ أني مريت بنفس مشكلتك
خلى تفكيرك إكبر من كذا وربيّ كلنأإ فأقدين حنأن لدرجه م حد يتخيله

فديت رزة عقاله 24-09-2013 03:37 PM

رد: مشكلتي وتعلقي الكبير بأي رجل فوق 40 :(
 
الله يرزقك باللي يسعدك ويعوضك

بالتوفيق


الساعة الآن 06:42 PM.

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Optimization by vBSEO 3.3.0
جميع الحقوق محفوظه لـ منتديات دليلك للحياة الزوجية - علماَ بان مايكتب بالمنتدى يمثل وجهة نظر الكاتب نفسه