زوجتي وقناعتها تعبتني

[مشكلتي]

زوجتي وقناعتها تعبتني

ببدا بالموضوع على طول

انا متزوج صار لي ثلاث سنوات تقريباا عمرها 25 وانا 28 وعندنا بنتين توم ، بقولكم حسناتها : طيبة، حنونه، رومانسيه، جميله ، مرحه،ذكيه وام رائعه،

المشكله : كسلها وبرودها واستفزازها في الرد اذا ما عجبها الي قلته موقف : هي ما تعرف تطبخ الا اشياء بسيطه زي معكرونات والحلا ورز والاكل الاجنبي ما تعرف تطبخ دجاج لحم الخ.. وكل ما قلت لها تعلمي تقول طيب ساعدني وراي دوام و شغل وجهال وانت بس تتذمر (هذا اعترافها قبل اسبوع) قلت لها ما يصير اطبخ قالت عادي تعلم معي نغير جو ويكون الاكل له طعم! شلون اطبخ وانا رجال وتبغاني اساعدها بشغل البيت بحجه دوامي وقته اقصر من دوامها، ما انكر هي مو مقصره معي بشي بس انا رجال لي هيبتي وكرامتي اصير انا الحرمه؟؟

ولما اقول لها واجب الزوجه تقول مو واجب شرعا عطاء وهذي طبيعه اغلب البنات اهلنا عودونا ع كذا، وغير كذا كل اسبوعين نازله السوق تشتري واذا ما دفعت تدفع من راتبها وردها مستفزز جدا قلت لها بتزوج عليك اذا ما تعدلتي قالت(روح تزوج احد مانعنك؟) وتبتسم باستفزاز وتكمل شغلها والله انقهرت قلت لها ما تغارين قالت ع حسب مزاجي وبعدها ضحكت والله نرفزتني مو هامها ابد احسها تعيش لنفسها وبناتها.

من ناحية الفراش مو مقصره رومانسيه ودلع، لكن والله ياناس تفكيرها كذا ومدري ليش مو هامها اذا تزوجت او لا هي تحبني وترسل لي رسايل وهدايا وانا ما ابادلها لان ما تستاهل وصار لي من ذاك الاسبوع الى الان مو معطيها وجه وهي ولا همهااااا تضحكك ومطنشششه

احترت معها نصيحتكم وهداية الله

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

---

.,[jd ,rkhujih jufjkd

[الفيلسوف الصغير]

تمت الموافقة
يفيدك الاعضاء

[فيتامين B]

اشتري لها قدر الضغط الجديد بالكهرباء

يصلح كبسات الدجاج او اللحم بسرعه ومريح لها لأن الى سمعته انه مجرد تحط المقادير بالقدر وله منبه تعبيه حسب مدة استواء اللحم وهو من نفسه يطفى ف يصير امان وما يحرق الاكل


اما بقية الكلام الى انت كاتبه فمع احترامي الشديد انت واحد نكدى تختلق المشاكل الله يكون بعون مرتك

[احساااس خااالد]

يا عزيزى
انت طماع جدا جدا
حد يبقى معاه زوجة فيها المواصفات الحلوة دى
ويشتكى منها
يا راجل قول الحمد لله
دى زوجتك مفيش احلا ولا اجمل ولا ارق منها
حسب كلامك
يكفيك دلعها ليك فى الفراش
ده لوحده يساوى الدنيا كلهاااااااااااا
موش بقولك انت طماع
يا عزيزى
دلع زوجتك زى ما هى بتدلعك
وعيش حياتك معاها
حب وغرام ودلع وحركات وجنون
وباقى الامور الاخرى بسيطة ولا تمثل اى مشكلة
وربنا يسعدكم طول العمر
هذا ولله الامر من قبل ومن بعد
والله المستعان

[هادئ و مطمئن]

مافيه مرأة تبغى زوجها يتزوج عليها
بس يمكن هي ردت عليك بضحك و بكلمة: روح تزوج عشان تبين انها واثقة من نفسها و انها مشبعتك جنسياً و انك تحبها و تبغاها
و بعدين لا تهدد بالزواج، تراه يجرحها، و كونها ضحكت مو معناته انها مو متضايقة من كلامك.
و اصلا ماهو زين انك تبين نواياك في الزواج، اذا تبي تتزوج تزوج على طول، لا تلمح و لا شيء.

زوجك اذا شافتك معصب فردت فعلها هي الضحك

و فيها حسنات و فيها سيئات
جرب تمدح حسناتها، ترا النساء مثل الأطفال في هالناحية
خلك مداح دايم لكل شيء زين تسويه، عشان شوي شوي تتحسن في الجوانب الي تبغاها تتحسن فيها.

[اسير الخطايا]

عزيزي صاحب المشكلة

انت في نعمة و نعيم،، و غيرك يتمنى تكون زوجة مثل زوجتك

هيه مبين عليها ضحوكة و تحب الوناسة ،، بس انت تبي تنكد عليها وكذا، حتى لما هددتها بالزوجة الثانية ردت عليك بضحك،، يعني انت تبيها تقلبها لك ضرابة و هوشة؟؟؟!!!!!

اخوي،، ودام هي مو مقصرة معاك بالفراش هذي اكبر نعمة يحصلها الزوج

نصيحتي انت حاولت تمدح حسناتها و تقول لها بالاجازة ابي اكل من طبخ يديك الحلوة و انت اقعد مع بناتك الصغار لحد ما هيه تجهز لك الغداء


ودامها هي تشتغل اكيد ما عندها وقت،،

وبخصوص السوق،، اقولك يا رجااااال لا تمنعها من راتبها،، فلوسها وهي حرة فيهن،، شو هامك انت؟؟!!

حاول انت تبدأ معها بالرومانسية،، امدحها و روح السوق اشتري باقة ورد مع عطر نسائي

و لا تنسى عيد ميلادها ابدا و أهديها هدية بعيد ميلادها مثلا اسوارة ذهب او أجدد تلفون زي كذا

والله يوفقكم و يخليكم لبعض

موفق

[اسير الخطايا]

ارجع لك مرة و اقول،، لا تخلي الشيطان يوسوس لك و يكبر سيئاتها فـ نظرك

حاول بقدر المستطاع تنظر للجانب الإيجابي من شخصية و اهتمام زوجتك

بالتوفيق

[وجـد]

عفواًمنك انت تتوهم ان لك هيبه او انت فاهم هيبة الزوج غلط ترى ماانت اكرم من الرسول او اعلى منه بالرجوله او الكرامه ومع هذا كان حبيب مع زوجاته ولاانتم ماتعرفون الرسول والدين الا بالتعدد والامور الي تيجي ع هواكم ؟؟

وبعدين ايش هرجة بتزوج عليك يعني تهدد ؟
ولا من جدك بتتزوج ؟

طيب تقولها ليش ؟

عشان تكرهك ؟

او تحرك غيرتها ؟


الرجال مايهدد ولا يحرك غيرة زوجته ولا يكون هذا اسلوبه بالكلام

الرجال يعطي زوجته الامان والثقه والاحترام ويكرمها ويعزها مايلومها ع توافه الامور ويقلب المواضيع من عاديه لمشكله زوجتك ذكيه وجالسه تتعامل معاك برقي واخلاق انها ماترد على كلامك اللي ماله داعي حتى ماتخلق مشكله من ولا شي وعلى شي لسه ماصار ومازلت تدلعك وتهتم فيك وانت ذكرت اهم نقطه وميزه فيها انها حنونه بعني تتفن فن الاحتواء وانت بكلامك وافعالك جالس ترفسها كل ماقربت منك بهدوئها ونعومتها وتكرها فيك فلا تيجي بعد كم سنه تشتكي انها تغيرت وصارت جلفه ناشفه ماتبغا الفراش ماتحس وفيها ويخطيها لانك جالس تصيبها بالصميم في مقتل ونصيبك من الحب جالس يقل عندها فاانتبه لنفسك المرأة اذا عافت صعب ترجعك لنفس المكانه الاولى ممكن تسلك لمصلحه مشتركه بس ماراح تكون عزيز عليها وقتها متحمله عشان العيال عشان المجتمع عشان ابوها وامها كبار بالعمر ماتبغا توجعهم بطلاقها عشان العشره عشان مصلحه ماديه اي سبب

لاتوصل زوجتك لهذي المرحله معاك بالحياه

الدنيا ماوقفت ع دجاج ولحم وحركات مالها داعي قلك عشان تثبت انك رجال تعلمو معنى الرجوله بعدين تكلمو عنها

[برق الحياء &]

عقليتك عقلية طفل

الله يعينك على نفسك

صراحة زوجتك عذا هي تداوم ودوامها طويل
وعندها بنتين توأم فما تنلام أنها ما تجلس تتفنن بالطبخ


وبالنسبة لأن ردها استفزك يوم قلت لها أبتزوج عليك!
على أساس أن كلمتك هذي غير مستفزة يعني!!!

وين عقلك فيه أنت ؟
بزر أنت والا رجال ؟
عقليتك عقلية طفففففل
الله يعين زوجتك عليك

[Ltoof]

والله ي اخي احس المشكله فيك مو فيها
اجل دوام وتؤام بنات وتتشرط بالاكل
احمد ربك انها تطبخ لك
وتقول بتزوجك عليك بعد
بذمتك وش متخيل ترد تتمسك برجولك وتقولك تكفى لا تتزوج علي !!
وقايمه بشؤونك وهدايا ودلع وتقول م تستاهل !
عجييييب امرك جالس منكد ع نفسك ومنكد ع الضعيفه

[// اشعاع النجوم //]

يا عزيزي أنت تحتاج دكتور نفسي تتعالج عنده

واحمد ربك ان زوجتك صابرة عليك وعلى ثقالة طينتك

يا صبرها عليك بس

[ماي نيم]

المشكلة فيك ماهي بزوجتك
بعدين وش دخل موضوع الهيبة والكرامة بكونك تطبخ وتخدم نفسك؟!
الصور الذهنية براسك مغلوطة

كيف تقييمها كزوجة؟
كيف تقييمها كأم راعية ومربية؟
هذي النقاط الأساسية بالحياة الزوجية
بقية الأمور المجال فيها واسع وقابل للأخذ والرد والتنازل

لاتزن على خراب عشك..اعقل

[أرق رووح]

يعني الا غصب تزعل وتسوي مشاكل وقت ماتقول انك بتتزوج !!
يعني حريم اذ كبرت راسها تزعلون واذ تضاقيت تزعلون اشوف انها واثقه من نفسها بس وبخصوص شك الى بداخلك من ناحيه
حبها لك معقول تهديك وتهتم فيك وتكون تكرهك لو فكرت فيها بس بتشوف انك محظوظ زوجتك عاقله وفاهمه نفسها وفاهمتك بعد
ولا تبي مشاكل وانت توسوس على نفسك اكثر من بليس

[شماليه ذوق]

وين المشكله ياادمي اهجد ارتفع ضغطي من كلامك ��

[إيجاد]

انت خبل وما تنفع للزواج ، وأحمد الله على هذي الزوجة النعمة اللي مو محصلها رجال واحد من بين ١٠٠ رجل

هذي متوفرة بس بين كل ألف رجال واحد منهم محصل وحدة مثلها ، وانت من حظك جات ،

الله يعينها عليك بس ويصلحك ويكبر عقلك