منتدى الحياة الزوجية | دليل النساء المتزوجات | الثقافة الزوجية والعائلية

منتدى الحياة الزوجية | دليل النساء المتزوجات | الثقافة الزوجية والعائلية (http://forum.z4ar.com/)
-   مدونات الأعضاء - مدونات خاصة - مدونات بلا رد (http://forum.z4ar.com/f129.html)
-   -   * ... المــلاك ...* (http://forum.z4ar.com/f129/t294414.html)

المــلاك 11-10-2013 04:56 PM

* ... المــلاك ...*
 
السلام عليكم ورحمة الله وبركاته

بالبداية احترت افتح مدونة ولا لأ

لكن انا فتحت المدونة بناء على طلب اختي الغالية من قلبي


http://www.english4arab.net/up/download.php?img=10033


الله يسعد قلبك يارب


مممممممممم
الي ما بعرفني انا المــلاك
من فلسطين
عمري 23 سنة
حاليا بدرس ماجستير تخصص اساليب تدريس العلوم - سنة ثانية -
بشتغل برياض الاطفال مع صغاري الحلوين







المــلاك 11-10-2013 04:57 PM

رد: * ... المــلاك ...*
 
اليوم الجمعة

يوم البركة

اعشق صوت القارئ احمد العجمي

‫ط³ظˆط±ط© ط§ظ„ظƒظ‡ظپ ظƒط§ظ…ظ„ط© | ط§ظ„ط´ظٹط® ط§ط*ظ…ط¯ ط¨ظ† ط¹ظ„ظ‰ ط§ظ„ط¹ط¬ظ…ظٹ‬‎ - YouTube

المــلاك 11-10-2013 05:13 PM

رد: * ... المــلاك ...*
 
رحلتي الى مكة
-1-

كانت عندي امنية اني اروح لمكة المكرمة
كان نفسي كتير ازورها
والحمد لله بفضل من الله ومنته رحت على السعودية وربنا كتب لي العمرة برمضان

اول شي سافر من فلسطين الحبيبة للاردن الغالي قضينا هناك عطلة مميزة مع اهلي كتير انبسطت
وبيوم الأحد 7-7-2013 سافرت من الاردن للسعودية كنت كتير مبسوطة واخيرا راح اشوف مكة والمدينة كانت بالنسبة الي حلم بعيد

وصلنا المدينة يوم الاثنين 8-7 كنا تعبانين ومرهقين ارتحنا شوي وبعدين نزلنا ع الحرم
كنت اول مرة بشوفه وكانت تقريبا رحلة استكشافية بنتعرف ع الحرم والمكان حولينا

تاني يوم رحنا ع الحرم والحمد لله دخلنا الروضة الشريفة ولله الحمد قضيت هناك ساعتين بس عن عمري كله دعيت كتير وصليت كتير وبكيت اكتر كان موقف رائع ما بنساه ابدا

ولما خلص الوقت وقربت صلاة العصر وبدي اطلع كنت بصور اخر صورة وراح اطلع
سلمت علي وحدة مصرية الله يسعدها ويوفقها وين ما كانت كبيرة انا يمكن بعمر بنتها اذا مش احفادها وقالت لي صوريني ههههههههه انصدمت بالاول بس فعلا صورتها وشافت الصورة وانبسطت وقالت لي خليها معك ولهلأ الصورة معي كل ما اشوفها بضحك
شو طيبين هالناس
ع فكرة اغلب الناس الي شفتهم برحلتي هاي مصريين كتير كتير في ناس مصريين صحيح ما تعاملت معهم كتير بس بحبهم كتير


طبعا بعد صلاة العصر طلعنا من الحرم للفندق ورجعت انا وماما ع صلاة المغرب وصلينا العشا وتاني يوم رمضان صلينا التراويح بالمسجد النبوي ووعدنا المسجد النبوي على امل نرجع مرة تانية
الله يكتب لنا اياها

تاني يوم الصبح بدري كنا اول يوم صيام وكان التاريخ 10-7-2013 يعني 1 رمضان طلعنا من الفندق وبالطريق رحنا على جبل احد وشفت جبل احد وجبل الرماة ورحنا ع التنعيم عشان الاحرام من العمرة ورحنا ع مكة



المــلاك 12-10-2013 02:46 PM

رد: * ... المــلاك ...*
 
رحلتي الى مكة
-2-


يوم الاربعاء وكان اول ايام رمضان المبارك وصلت مكة قبل اذان المغرب ب 10 دقايق

دخلنا الفندق ووصلنا الغرفة مع اذان المغرب افطرنا وما قدرت انام او ارتاح لازم ننزل ع الحرم نتفرج عليه ونتعرف عليه

ورحنا ع الحرم اكيد كنت فرحانة كتير وبستنى اشوف الكعبة بس بصراحة صدمممممممممة لما شفت اعمال البناء والجسر الي مش مكتمل مغطي الكعبة ما تخيلت اشوف هالمنظر هيك

كان وقتها صلاة التراويح صلينا التراويح ولفينا شوي بالحرم ورجعنا ع الفندق

وتاني يوم نزلنا بعد المغرب وكانت العمرة الاولى الي

حتى واحنا بالطواف حول الكعبة كانت مطر

حسيت انها وقت استجابة ودعيت بكل الي نفسي فيه ودعيت لكل اهلي

وخلصنا العمرة بعد اذان الفجر وصلينا الضحى ورجعنا ع الفندق

وتاني يوم الجمعة 12- 7 – 2013 رحنا عشان نعمل عمرة تانية وهاي العمرة كانت مني لبابا الله يرحمه ويغفر له ورحنا ع التنعيم ورجعنا بوقت صلاة التراويح صلينا التراويح وبدينا عمرتنا ع وقت السحور خلصنا و تسحرنا وصلينا الفجر و ضلينا لطلوع الشمس

يوم السبت 13- 7 – 2013 كان يوم مليء بالاحداث كنت اظن انها راح تسعدني طول حياتي لكن بعدين اكتشفت انه كابوس مش حلم واكتشفت

غباء الملاك لاول مرة بحياتي بعرف اني غبية بالهشكل

المهم يوم السب رحنا ع جدة عند بنت خالتي (بنت خالة ماما) هناك قضينا يوم حلو كتييييييييييييير انبسطت كتير ورجعنا تاني يوم المغرب

وافطرنا بالحرم ، كنت ناوية اعمل عمرة تالتة لكن للاسف ما في وقت لانه العمرة بتاخد كتير وقت بين هالزحام والاشياء الي صايرة

قررنا انه بس نقضي اخر يوم النا بالصلاة بالحرم وفعلا كان يوم الاثنين 15- 7- 2013 اخر يوم النا بمكة ضلينا بالحرم لبعد نص الليل ورجعنا ع

الفندق عشان نستعد للرجعة ع الاردن






المــلاك 12-10-2013 03:42 PM

رد: * ... المــلاك ...*
 
رحلتي الى مكة
-3-


طلعنا من الفندق يوم الثلاثاء 16 - 7 - 2013 قبل صلاة الفجر وصلينا الفجر بالطريق وطبعا الطريق بتاخد معانا 24 ساعة بالبر ووصلنا يوم الاربعاء 17 - 7 - 2013 ع الساعة 8 صباحا قضينا كمان كم يوم بالاردن لحد يوم الاثنين 22 - 7 - 2013 الساعة 9 صباحا ودعنا اهلنا بالاردن على امل يجمعنا الله فيهم قريبا على ارض بلادنا ارض فلسطين الحبيبة
بطريق العودة بنمر بعدة محطات

اول شي جسر الاردن : نزلنا على جسر الاردن وتمت الامور على خير وطلعت الشنط من التفتيش مباشرة ع الساحة الخاريجة انهينا الاوراق وطلعنا لقيت شنطة مفقودة كانت فيها اغلب الاشياء المهمة وين الشنطة ما لقيناها
دخلت مكان التفتيش لقيت شنطة متلها بالزبط لكن الاختلاف انه شنطتي لونها اسود والشنطة التانية كحلي :denya:
الحل قلت يمكن الاقي صاحبها بالمحطة التانية استأذنت من الضابط الاردني واخدتها معي للمحطة الي بعدها

جسر اليهود : بجسر اليهود لازم تدخل الشنط باسمي وعلى جواز سفري
دخلنا الشنط والشنطة الغريبة ما بعرف شو فيها تركتها برا قلت يمكن صاحبها يلاقيها هون بس انا ما بقدر ادخلها ع مسؤوليتي وما بعرف شو الي بداخلها
دخلنا وتمت الامور على خير معي ومع اختي لكن ماما استدعوها للتفتيش لانه شنطة من الي دخلوا باسمها تحولت للتفتيش
ضلينا ساعتين ونص ع التفتيش مع كل التعب والصيام انا واختي بنستنى بماما تخلص
مع كل محاولاتنا نخلص بدري ما قدرنا حاولانا نترك الشنطة ما بدنا اي شي من الي فيها بس بدنا نروح تعبانين ما في مجال جواز سفر ماما محتجز عندهم
راحت ماما اخيرا لغرفة التفتيش وكانت سبب المشكلة الشنطة فيها تمر صادروا التمر و رجعوا الشنطة والحمد لله خلصنا
طيب الشنطة الي ضايعة وينها ؟؟!!!
ما لقيناها لحد الان
طلعنا من جسر اليهود للمحطة الي بعدها

اريحا : اخيرا وصلنا اريحا ودخلنا اراضي فلسطين وريحة بلادنا
بلغنا باريحا عن الشنطة المفقودة ورجعنا لبلدنا الحمد لله وصلنا بالسلامة

المفاجأة بس وصلنا انه اخوي كان بحاول يعمل مفاجأة سارة فكان بغير الدهان بالبيت ولكن كان البيت دمار شامل ما في شي بمكانه وكل البيت بده ترتيب من جديد مع انه قبل ما نطلع رتبنا كل شي واختي المتزوجة جنب بيتنا كانت كل يوم او يومين بتروح تشوف البيت شو ناقصه لكن وصلنا لقينا اغلب اغراض البيت بالساحة برا
ورجعنا نرتب وننظف كل شي كان تعب وارهاق مش طبيعي

بعد كم يوم من وصولنا اتصل على اخوي صاحب احدى المحلات الرياضية بالبلد بقول لقيت الشنطة مع واحد بالخليل

طيب كييييف ؟؟

بقول الي اخد الشنطة بالغلط ما عرف لمين ضل يدور بالشنطة لقي فيها كرت للمحل وراح اتصل ع المحل وقال له الاسم المكتوب ع الشنطة
طلع صاحب المحل صدفة صاحب اخوي وعرف الاسم المكتوب ع الشنطة ورجعت لنا الشنطة والحمد لله هذا لانها مال حلال والحمد لله


المرة الجاي راح احكي لكم عن رحلة الطلعة من فلسطين للاردن وشو صار فيها

المــلاك 14-10-2013 01:39 AM

رد: * ... المــلاك ...*
 
لكل من ظلمني
حسبي الله ونعم الوكيل وكفى

المــلاك 14-10-2013 02:14 AM

رد: * ... المــلاك ...*
 
رحلتي إلى مكة
-4-


المرة راح احكي عن طلعتنا للاردن والمشاكل الي واجهتنا بهالرحلة

طلعنا ع الاردن يوم 10-6-2013
طبعا قبل ما نطلع تاكدنا من كل الاوراق وكل شي جاهز ويوم السفر الصبح رحنا وعملنا تصاريح الخروج الي ولماما ولاختي
الي صاير انه جواز السفر منتهي الصلاحية المفروض يتجدد
سألنا قالوا عادي بتمشوا عليه ما في مشكلة بس لما ترجعوا ما بتقدروا
لهون تمام طلعنا ع اريحا وقطعنا تذاكر الخروج ووصلنا عند تقديم الجوازات والاوراق
الضابط نصحنا انه ممكن تصير مشاكل معانا على جسر الاردن وحكى ممكن ماما تسافر لحالها وتجدد الجواز وبعدين بنسافر احنا
صممنا لازم نروح كلنا مع بعض
وبنفس اليوم كان ابن عمتي ( ابن عمة ماما ) وزوجته الي هي بنت خالتها وبنت عمها بنفس الوقت مسافرين ع الاردن لعند اهلها
اتصلنا فيهم وطلبنا منهم يسألوا احدى الضباط بجسر الاردن اذا ممكن يمشي الحال ولا لأ
وبالفعل قالوا ما في مشاكل اطلعوا عادي
واخدنا اسم الضابط عشان اول ما نوصل نسأل عنه

طلعنا من اريحا لجسر اليهود لجسر الاردن الا الساعة صارت 9:05 المسا طبعا الوقت متأخر صار وكل اهلنا بالاردن بستنوا وصولنا
اول ما دخلنا القاعة ع الباب استقبلنا ضابط ابن حلال وشاف الجواز وقال ممنوع تدخلوا ولازم ترجعوا للضفة حاولنا نحكي معه ابدا ما نفع الكلام معه صمم ع رأيه
وراح حكى لضابط تاني وقامت الدنيا ولازم ترجعوا ع الضفة هلأ !!!
سألنا عن الضابط الي اعطونا اسمه قالوا خلص شغله ع 9 وراح
وبعد كل هالمعاناة ما فاد شي ورجعنا للضفة
والله حسيت الدخول لاسرائيل اسهل من هيك وما في هالتعقيدات هاي ...
رجعنا يوم الاثنين ووصلنا البيت ع 12:30 بالليل
وطلعت ماما يوم التلاتا ع الاردن لحالها واخدت مني وكالة لتجديد جواز السفر ويوم الاربعا سافرنا انا واختي لحالنا
ووصلنا الحمد لله بالسلامة
واحلى شي بالموضوع انه وصلنا لقينا حفلة قايمة ببيت خالتي
وحاطين الحنا والكل مجتمعين وانا تعباااااااااااااااانة من كم يوم ما بنام وطبعا مضطرة اسهر مع الناس الي طول الليل بتسلم وبتسأل عن كل شي
والحمد لله مر اليوم بسلام
وكملت رحلة العمرة ع خير وانبسطنا فيها ووصلنا الضفة بالسلامة
وان شاء الله ربنا بكتب لنا زيارة مكة مرة تانية ع خير يارب

المــلاك 14-10-2013 02:19 AM

رد: * ... المــلاك ...*
 
يارب ارحم والدي واغفر له واجمعني فيه ع خير يارب بجناتك

http://files.fatakat.com/signaturepi...c548906_11.gif

المــلاك 14-10-2013 02:21 AM

رد: * ... المــلاك ...*
 
https://fbcdn-profile-a.akamaihd.net...78728929_n.png

المــلاك 14-10-2013 02:22 AM

رد: * ... المــلاك ...*
 
http://i1.ytimg.com/vi/I-a9fDWoWgI/hqdefault.jpg

المــلاك 14-10-2013 02:40 AM

رد: * ... المــلاك ...*
 
يـــااااا رب ، في اخر أيام العشر من ذي الحجة ♥♥
كل عقيم ارزقه بطفل ،
وكل مريض ارزقه شفااء ،
وكل مظلوم ارزقه نصرهہ ,
وكل متحاابين ارزقهم الزواج ،
واجعل نهايہَ كل متخاصمين آلصلح ،
ولكل ميت ارزقه الجنة ..♡
وكل ظالم هداية ،
وكل مقصر توبة قبل الموت
وكل مهموم فرج همه
أمييـــن يـــا رب ..

المــلاك 14-10-2013 04:19 PM

رد: * ... المــلاك ...*
 


اللهم بيض وجوهنا يوم تبيض وجوه وتسود وجزه

اللهم ثقل موازيننا ، ويمن كتابنا .

اللهم اجعلنا على حوض نبينا من الواردين ، واسقنا منه شربة لا نظمأ بعدها أبداَ

آمين يارب العالمين

المــلاك 15-10-2013 01:23 PM

رد: * ... المــلاك ...*
 
يارب يكون صباحكم حلو متل هالبسبوس الامور

http://upload.arabia4serv.com/images...7695896286.gif

المــلاك 15-10-2013 01:24 PM

رد: * ... المــلاك ...*
 
احلى شي يعلمني بسبوس
ههههههههههه
ما بعرف اركب عليها بس اكيد راح يعلمني هالبسبوس الطيب

http://img.el-wlid.com/imgcache/122900.gif

المــلاك 15-10-2013 01:27 PM

رد: * ... المــلاك ...*
 
هذا البسبوس بشبه بسبوسي الغالي كتير لما كان بقعد يتفرج من الشباك ههههههههه
بس ربنا الله مش نفس القعدة هاي كان محترم ما يحط رجل على رجل :biggrin:


http://upload.arabia4serv.com/images...4626188930.jpg


الساعة الآن 06:31 PM.

Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.3.0
جميع الحقوق محفوظه لـ منتديات دليلك للحياة الزوجية - علماَ بان مايكتب بالمنتدى يمثل وجهة نظر الكاتب نفسه