اللي عنده فكرة حلوة استقبل فيها زوجي وهو راجع من السفر اتمنى يفيدني بها

[دانا الجنوب]

السلام عليكم ورحمة الله وبركاته

انا بصراحه زوجي مسافر عنده دورة بالرياض

وهالاسبوع بتنتهي الدورة وبيرجع عندي

وبصراحه هو سافر وحنا مختلفين على حاجه ماتسوى وماتصالحنا الا بعد ماوصل هناك بيومين

وابغى اذا رجع افاجئه بشي حلو وحركة جديدة

غير اني استقبله بفندق واتعطرله والبس له

لان هذي حاجات عودته عليها


وارجو الافادة وشكرا للجميع

[اصل الحلا]

طيب خذي شاليه فيه مسبح واشتري مايوه لك وله
ورحوا اسبحوا وغيروا جوا هههههههه
وبعدين رتبي طاوله كلها رومانسيه ورود واشتري لكم
عشاء مشويات ومقبلات وبتصير السهره
حلو قدام القمر والجوخافت

والله يووفقك

[ابو رغــد]

تروحين فندق تستقبلين زوجك ؟؟؟ ليه ما عندكم بيت
بعدين مع من تروحين الفندق ومن يقوم بالحجز وهل زوجك يوافقك على هالشي اذا كان يوافقك
الله يخلف عليك وعليه

[احمد الدليمي]

بارك الله بك , شكراً أخي الكريم

[alnsour]

خير انشاء الله
والله يوفقك

[فتى أبها]

وجهت نظري دامكم مختلفين




الهديــــــــــــــــــــــــــــــه الهديـــــــــــــــــــــــــــــــــه

ترمز للحب والوفاء




وربي يوفقكم ويرزقكم الذريه الصالحه

[اصل الحلا]

وش سوويتي لززواجك طمنينا

[غزال الامارات]

اذا رجع زوجك من السفر واستقبلتيه وخلااااص فعذرينى ع التاخير

لكن بكل الاحواال انا راااح اكتب لكن طريقه جداااا راااااقيه وللمتزوجااات بالذات << معنى مش مزوجه لكن عندى خيال واسع بهالشي ^^


اذا كنتوا عايشين بشقه او بيت بروحكم <<< هذا افضل


يعنى اول مايفتح باب الحوش تكونى حاطه بنص الحوش مثلا باقه ورد بجورى احمر واكتبي بالبطاقه حمدالله على السلامه ...


بعدين اول مايفتح الصاله تكونى معلقه ع الباب ورقه واكتبي عليها انا بنتظارك .. ...


في وسط الصاله حطى له هديه مغلفه ملفته لنظر واكتبى عليها احبـــك ..^^ وهم عليها ورده جوري بشكل حلو ..


بهالحااااااااله تخليه متخبل عليج ومشووق يشووف شكلج او يتفااجىء <<< واكيد بداخله راح يقول بره الغرفه مسويه هالاشيااء كلها عيل لو دخلت عليها الغرفه شو مسويه .. خخخ المهم رااح تتلاعب الافكار في باله واتشوفيه نفس المهبوول داش عليج الغرفه ؟؟

عااد هنا لازم تتطلعين بااحلى صووووره جدااامه .......

ولج اكثر عن حل ..

اما تلبسين فستان عرسج كانج عروووووووووس بيوم دخلتها ...
او تختارين اي لون شرط يكون طابع ع الغرفه كامه ..

يعنى لو لبستى احمر تكون الغرفه كامله رومنسه ورد وشموع وهالشغلات ..

او تتعاملين مع كل لون على مزاجج..

بس نصيحتى يكون ابيض لان ابيض لون السلام ومب لازم يكون فستاان على الاقل قميص نومج الي لبستيه بليله عرسج...

واشياء واشياء ..

تقدرين اتسويها بس هاااى مجرد فكره بسيطه وفكري فيها ^^

السمووحه ع الاطاله ..

تقبلي مرورى

[أحلام123]

انا برأي هدية حلوة واستقبال حافل منك

شكرا علي الموضوع

تحياتي