استعيدي جمالك واطبخيه عل نااار هاااادئه (( وبالصور ))

[العشق الاحمر]

اسعدني مروركم الطيب
كاطيبت قلوبكم

انتم كالورده تفوج عطر شذاها ارجاء الكون

شاكره لكم نور يصمتكم

[العشق الاحمر]

لااح اكمل لكم ففيه المزيد

[العشق الاحمر]

المعامله والانجذاب العاطفي





خليك ذكيه ولازم تعرفين ان عند الزوج (كل ممنوع مرغووووب)


يعني لا تعاندين واللي يبي يسويه قوليله ok عليك بالعافيه وبتليقنه من كيفه يغير رايه ويسوي اللي تبين بكيفه وانتي مستانسه
خليه يحب قعده بيته بكل حالاته ويرجعلك بوناسته وزعله

هذي أول الطبخه

بذكائك وخيالك تطبخين زوجك شوي شوي ولا تخلينه يبرد أو يشوفك وكأنك طبق بارد
خليك دايمااا طبق حاااااار وحلو ياخذ منك شوي وما يتأكد متى بضوق هالطعم مره ثانيه
لان الاطمأنان بداية نهايه العشق مو الحب !!

لاتخلينه ينام مرتاح

خليه دايمااا يفكر ومشغول فيك ويفكر كيف يقدر يسيطر عليك وكيف يفكك اسرار الانثى
يفكر ومشغول ومرتبك
عطيه من الحب الحصه اللي يحتاجها ليومه بس مو حق اليوم اللي بعده
بهالحاله ماراح يستسلم ولا راح يرضى يكون خسران وبتلقينه دايم يراقب تصرفك ضحكتك مشيتك وتلقين كل حواسه معاك وافكاره بتودي راسه يمين وشمال
لاتتضايقين لو تلقينه ينبش بتلفونك
أو يضيق عليك بمواعيد الدخله والطلعه
هذا دليل الاهتمام بعضنا يحس انه يتحكم أو مجرد مضايقتك لا اهو ببين اهتمامه وانشغاله فيك وبنفس الوقت تلقينه مع نفسه الحريه بالمواعيد والربع وبكل شي .
بس انت تصرفي بطريقه صح


يا الله الحين خلونا نتكلم من ناحيه تصرفات الزوج اليومية

مثال : اليوم بيطلع بيروح قهوه وانت ماتبينه يروح قهاوي خصوصااا قهاوي هالوقت والسوالف اللي قاعدين نسمع فيها


التصرف الصحيح:



إذا كلمتيه قوليله
قولي هلا حبيبي كيفك ان شاء الله مبسوط

هو اي اي ومشغول اكلمج بعدين

قولي بالعافيه على قلبك استانس حبيبي يا الله حبيبي اخليك دامك مشغول

انتي هنا قولي بشتااااااااااقلك ( طبعاااا بدلع وهمس)

هو يقول افففف بفكر شفيهااا الحرمه اليوم ؟؟؟؟
أكيد عندها شي !!

يرجع البيت بسرعه ويلقاك نايمه واول مايدخل سوي روحك دوبك قاعده وقوليله هلا حبيبي يا الله تعال نام جمبي فقدك
شرااايكم ؟
Ok

إذا قالك بسافر



هااااه لا تبدين أي إعتراض
قوليله ok قلبي متى السفره؟
هو الاسبوع الجاي
انتي أااهاااا ناااايس عشان عندي كم شغله ابسويهاااا دامك مو عندي
هو طبعاا بقول ليش يعني شعندك!!!!
قوليله wooooommmmaaaan secret وابتسمي وطالعيه بنظره إغراء وهزي كتفك لي فوق



وخليه إمشي

وإذا سافر لا تدقين مره انتظري هو اللي يدق
ومو كل مره تردين عليه
ودااااايماااا بينيله انك مشغوله
قوليله سوري حبيبي كنت اسوي مساج
أوأسوي أضافيري

ككككككككك
وإذا رد رحبي فيه وهللي وبينيله انك فرحانه فيه ومشتاقتله وبنفس الوقت واهو بعيد أنت مرتاحه

يعني خلييه يحس بتناقض ويتجنن


تصرفاتك انت اليوميه سويهااا وشوفي النتيجه



-لا تتكلمين كثير وإذا اسألك أبتسمي وردي بالاقصاااااااد وكأنك قاعده تنقين كلماااتك وقوليله مافي شي اسولف فيه وخليه وروحي غرفه ثانيه ولا تكشفين اي اسرار ماله داعي يعرفها

-تحاشي السوالف والحش بفلانه وعلتانه من غير داعي
تكلمي عن نفسك ونفسك فقط

-لا تخلين نفسك ثرثاره يبيك بس تسكتين سوالف بمعنى وبدون معنى
الزوجه اللي تسولف من غير داعي تفقد اهتمام زوجها فيها

-اذا كنت تبين شي معين منه
-حددي الوقت المناسب ووفري الاجواء المناسبه
طبعااا بيكون وقت مرتاح ولا رجه الاولاد ولا هو لآهي ومشغول بشي ثاني

واذا كان من النوع اللي كلمه هي تمشي ودايمااا على لسانه

غيري اسلوب طلبك في كل مره
أول مره تقربي منه وابتسمي وقوليله

( انا أحترم رايك لكني محتاجه أسوي الشغله الفلانيه فياريت تعطيني حل يريحني ويريحك) .
اوسكتي بعدها واذا غير الموضوع لا ترديله خليه يكمل موضوعه وبعدها تقربي اكثر وشبكي اصابع يدك بيده وقوليله
(أحبك واتمنى انك بس توافق على طلبي)

واذا رد ورفض

-لا تعصبين وتبينيله ضيقك لانه بهالطريقه بعاند ويمشي اللي براسه لو مهما حاولتي
-خليك طبيعيه ولا تخلين ابسامتك تفارقك
-انسي الصرااااخ وخلي صوت ناعم وخففي الكلامات اللي تقولينهااا وخليك مثل البيبي وانسي العصبية

الصبر يا بنااااااات ويا أمهااات

[العشق الاحمر]

تاااااااااااااااااابعوني الليله راح اكمل لكم

[العشق الاحمر]

سامحوني تأخرت
انشغلت بضروفي

انتظروني الليله ان شاء الله


تحيااااتي القلبيه لكم

[المجنونهـ××]

مشكوووووور والله يعطيك الف عافيه

[العشق الاحمر]

اسعدني مرور بصمتكم لقد انآآآآآرت متصفحي بعطر شذاكم

اشكركم جميعاا على تشجيعي واكمال ماتبقى لدي

لكم كل الود والاحتراااام

[العشق الاحمر]

-وانت تتكلمين بالتلفون خلي كلامك همس تكلمي بالتلفون وروحي غرفتك واذا جاء وراك أو خذا منك التلفون وش المشكله ! ابتسمي وخذي منه التلفون مره ثانيه وكملي مكالمتك

-الزوج يلفت انتباهه البعيد ويركز عليه وكل اللي عليك اقعدي بعيد عنه وامشي رايحه جايه قدامه طبعاااا بدلع وحركات

-خليك انثى رقيقه بكل تصرفاتك

مثال : استعيني فيه بأبسط الامور مثل فتح كيس الشبس قوليله يعور يدي
-خليك واثقه من نفسك ودايمااا مدحي نفسك قدامه
-تعلمي فن الاسترخااااء والتأمل
عودي نفسك على جلسات الـــ مساج بالشهر مره مثل ما قلتك من قبل
عبي البانيو ورد ورغوه وشموع معطره ودللي نفسك
روحي البحر وتأملي فيه شوفي روعه السمااااا تأملي بتراب البحر دوري الجمال وين ماكان وقولي

لا إله إلا الله وما أعظم خلق الله



اشغلي نفسك عنه وخليه يشتاقلك كل ما قللتي انتباهك له كل ما زاد في الاهتمام فيك
واهو بالصاله حوسي بدأرج رتبي أو اقري المهم انشغلي عنه

بعد مده بتلقين نفسك مستانسه من داخلك وبتكون نفسيتك مرتاحه
يعني بتكون مشاعرك حب وارتباح وشوق وحنان وهذي هي (الطاقه الايجابيه)

يا الله الحين نقليهااا لزوجج حبيبك جهزي نارك

وبتكون باللمس طبعاااا

كيف ؟؟؟؟

بالمساج

باحتضان كف اليد خذي يده وحطيهاا على قلبك وطالعيه بعينه وقولي له اللي تبين
ببوسه بين عيونه بوسه ناعمه كلها احساس

كذا تلقين راحتك ووناستك بتجيه ويحس فيها من لمساتك الناعمه هذا غير النضرااات

والله يخليكم لبعض



أنتقاد الزوج الزايد عن الحد للزوجه





إذا صار ينتقدك ويطلع فيك عيوب على الداخله والطالعه تجاهليه بكمالياته والتزمي بالصمت وقومي بواجبك فقط لا غير إذا بدا في انتقادك فهذا يعني انه قل انبهاره واعجابه فيك

وعشان ترجعين اهتمامه فيك تجاهليه لكن باحترام

حولي اهتمامك فيه الى الاهتمام بنفسك
مارسي هواياتك اللي تركتيها من سنين
دقي على صاحباتك اللي قطعتيهم من كثر ما تقولين مافي وقت عيالي .بيتي .زوجي
شتركي بنادي أو دورات تفيدك
خليلك بصمه بكل مكان تدخليله ابرزي نفسك وخليه يسأل ايش الي غيرك ؟؟؟
خليه يفكر فيك شوي
بس انت اللي ذابحه روحك زوجي . زوجي . زوجي

زوجك يوم اخذك ماكان يحبك ( زواج تقليدي طبعا ) زوجي كان منبهر فيك

في البدايه

جمال
ثقافه
عايله .....الــــــــخ
الحب انتى بعدين بيدك تخلينه يحبك وانتى بيدك تبعدينه عنك

في بنات عندهم تزوجني لازم يحبني !

الحب احساس يفرض نفسه شي مو بالأيادى يجي من غير ما تحسين بس يكون انتى السبب
خليك غاليه وعزيزه وتمسكي باللي كنتى فيه من قبل الزواج
الاشياء اللي كان يشوفها منك في بدايه زواجكم هي الاشياء اللي حبها فيك وحبك من اجلها
لا تتنازلين وتتخلين عن طموحك واهتماماتك .
تذكري ان زوجك يحب يفرض شخصيته ورجولته على زوجته ويبيها تقاوم وتصر على رايهااا بس
بؤنوثه ودلع
عطيه من الحب والعشق بس
بالقطاره
لا تعطينه كل حبك لو مهما كنتى تحبينه
لا تكشفين كل أوراقك له
خليه يسأل ويبحث وراك
عشان ما تفقدين رونقك وجاذبيتك بعينه
لو حتى كنتى تتجملين وتكشخين


الجوهر مهم مثل المنظر

لا تقوليله انا بدونك أمووووت وما اقدر اعيش وانت كل حياتي وانا بدونك ولا شي !!

لا تزعجينه بالاسئلة تحبني؟؟ اشتقت لي؟؟ اشرايك فيني؟؟؟ مرتاح معاي ؟؟
بتلقينه العمر كل منبهر فيك ويركض وراك
لا تقولين ما يستاهل لا تقولين مو كفو


تذكري


انتى الاهم

وكل شي تسوينه لك انتى بالاول والاخير قبل لا يكون له

[nour11]

موضوعك رائع و مهم لكل متزوجة أو مقبلة على الزواج

الله يجزاك خير

[خولة1]

موضووووع في غاااية الاهمية للزوجاات والمخطوبات

جعله الله في ميزان حسناتك

هل في مزيد ولا خلص صراااحة عجبني الموضوووع وياريت ميكووون انتهى لانه يستحق القراءة

يسلموووووووووووووووووووو