حبايبنا الحلوين من الولاده الى سنه

[جوري ناعمه]

اختي نغم قريت فكرتك وسبقتك فتحت الموضوع ههههه
انا صارعمر بنتي جوري العسل 24يوم وهي هاديه نوعا ما بس اذا جاها مغص مافي شي يسكتها
والي شايله همه رمضان اشلون راح يصير لانها اذا صاحت لازم تبيني اخذها
بس حبيت اسال خواتي الي عندهم خبره متى لون البشره يثبت احيانا يكون لونها ابيض ومرات يغمق مع العلم انا وابوها من الي بشرتنا فاتحه
يالله ابي اشوف تفاعل علشان نستفيد
يارب تساعدنا وتصبرنا عليهم رمضان خلاص جاي

[الهبله]

ولله الصراحه ماادري
بس انا عمر بنتي مريومه شهر وللحين ماثبت لونها
مع اني بيضاء وابوها اسمر وبعض الأحيان اشوفها بيضه وبعض الأحيان اشوفها سمره
واعتقد يثبت لونهم اذا كملو شهر ونص او شهرين
يمكن ويمكن لا

[جوري ناعمه]

اجل الله يستر ههههه لا تصير سمره لانه شعرها اشقروعيونها رمادين
ومسكينه بنتي الاولاد بيض وهي تطلع سمره مع انه اختي تقولي شكلها بتطلع بيضه حيل

[قصة حبيبين]

السلام عليكم و رحمة الله و بركاته ..

أول شي مبروك عليكم الشهر الفضيل ...

بالنسبة للبنوته ... و المغص و الغازات ...

هذا شي طبيعي .. بس يغمظون يوم بطنهم يعورهم من الغازات ..

انا جربت ماء دار .. اللي هو ماء غريب بالمحلي ...

وايد اوكي الصراحة.. يطلع الغازات ...

و رقديها و اسدحيها على ظهرها ... و امسحي ظهرها و طبطبي بالخفيف عليه ..

و بعد الرضاعه .. دسعيها يعني مادري بأي لغة ( كرعيها )

و اذا كنتي اترظعين صناعي ... ارفعي المرظعه .. و خلي حلمة المرظعه كلها حليب ..

مب تخلينها مايله .. نصها هوا و نصها حليب .. لااااء ..

و عن لون البشره ..

انا بنوتي فديتها - الله يحفظها -بعده لونها في تغير مستمر

و للبنات 7 طلات ..

يوم عن يوم يتغير شكلهم فديتهم

[nagm1]

هلا اختي جوري الناعمه يعني سويتيها وسبقتيني بس يالله احنا اخوات ما بيننا خلاف اما المغص فانا جبت اليوم ماء غريب وعطيت ولدي منه وان شاء الله ينفع معاه.....
وحبيت ابشرك ان ولدي اليوم كمل شهرين وبدينا اول تطعيم وربنا يسهل.....

[مامالوله]

حبيباااااااااااتي


جوري ناعمه و نغم


فكرتكم حلوة ولو انضبتوا معها وانتبهتوا لاسئلة المشاركين

ورديتوا عليهم

ساثبت الموضوع ويلا ورونا همتكم الحلوة.


................






اما عن استقرار لون الطفل


فبعد الستة اشهر يثبت شكل ولون الطفل

[nagm1]

ربنا يسعدك مامالولو ويعيننا على تلبيه طلبك و طلبات المشاركين بس ياريت حبايبي تصبروا علينا شوي اذا تاخرنا في الرد لاننا في رمضان ومع حبايبنا الصغار ربنا يعين .......

[حنيين الماضي]

هلا خواتي ممكن تقبلوني بينكم
انا عندي بالصلاة على النبي 4 بنات بس ماراح اتكلم عنهم كلهم الحين اخاف تطردوني
راح اتكلم عن بنتي الصغيرة اسمها آمنه عمرها 3 شهور واشوي
الحمدلله الغازات بدأت نوعا ما تخف عليها بعد معاناه كم شهر
وانا يوميا بالليل اعمل ليها مساج بزيت اللوز او زيت الزيتون احس انها ترتاح

[جوري ناعمه]

حياك اختي حنين ويانا اتكلمي وفضفضي على راحتك حبيبتي
الله يحفظهم لك يارب
انا بنتي كل يوم بعد ما اسبحها ارطب جسمها بالجل من جونسون وما شاء عليها بنتي هاديه بس الغازات مومخليتها ترتاح مع اني احاول بعد كل رضعه اخليها تطلع الهوا
حبيبتي نغم شخبار زيود وياك انشاء الله بخير

[nagm1]

تسلمي اختي جوري على السؤال اما عن زيودي فالمغص ما هو راضي يخليه في حاله مع انه خف شوي والحمد لله مع اني اضعه على بطنه بعد كل رضعه واعطيه ماء غريب بس الحمد لله على كل حال .
اهلا فيك حنين الماضي اخت جديده لنا ورينا يخليلك بناتك وتشوفيهم عرايس وبنت تقريبا في عمر ولدي لان عمره 3 شهور و6 ايام .حبيبتي جوري كم عمر جوري الآن؟