طلبتكم ساعدوني

[ملاك الذوق]

السلام عليكم

كيف الحال

تكفون عطوني حيل الله يخليكم انا متملكه مابعد تزوجت اذا كلمت زوجي احاسبه علي كل حرف
اهو يقولي لا تحاسبيني واحسه يتضايق لم احاسبه مثل ما اتصل اليوم احاسبه من بكره اقوله ليش ما اتصلت
ابي اترك العاده الي فيني هذي تكفوووووووووووون كيف وربي تعبت خوفي بكره يمل
مشكلتي استمر في الخطاء

ابيه يحبني ويعزني اكثر بس مو قاادره شلون تكفون طلبتكم عطوني حل

[عيون عسلية]

اهلين ملوكة اول شي مبروك مقدا والله يتمم على خير ثاني شي من اولها قلق ارفقي علية شوي مو كذا

لا تحسسينة بربطة من اول شي بعدين يمل منك الثقل مطلوب

[الرزينه]

اختي ملاك .. الي تسوينه غلط غلط غلط غلط :)

انا معرسه ومجربه واعرف .. واخواني معرسين واشوف كيف حريمهم يتصرفون .. وخواتي معرسات واشوفهن كيف يتصرفن

شوفي بقولج.. ترا اذا تميتي جذي وبهالاسلوب ريلج بيمل منج وبيطفر لانج قاعده تأذينه وتحشرينه وتصدعين له راسه من كثر ماتحنين وترنين عليه .. لا تخلينه يطر انه يشوف غيرج ويكلم غيرج بسببج :) عقبها ماعندج عذر

ادري انج تحبينه وتخافين عليه وتموتين فيه وتبينه يكون لج بروحج.. بس هذي الطريقه مب صح عشان تحتفظين فيه

الريال مايحب حد يحاسبه وين راح و وين يا وشو سوا وشو قال وشو حط وشو ياب .. هالاسئله لاتخلينها تطلع منج بطريقه كانج تحاسبينه فيها.. او طريقه تبين له انج تشكين فيه .. خلج ذكيه ودبلوماسيه معاه .... لان اذا اسلوبج سياسي بتكسبينه وبتخلينه هو الي يركض وراج مب انتي الي تصيحين عليه

شوفي شو تسوين .. يوم يكوون برع و يطول ومايرد من وقت ... لا تخلين كل ردود فعلج عباره عن اتصال .. غيري .. مثلا طرشي مسج (( حبيبي ولهت عليك )) .. أو .. (( حبيبي البيت من دونك ولا شي )) .. أو .. (( حياتي تراني بموت من الجوع رد عشان نتعشى مع بعض )) .. أو .. (( حبيبي شو تسوي )) .. أو .. (( خلاص مايحبوني خخخ )) ... خلج دلوعه و مرحه في كلامج معاه .. لا تعاتبينه عشان ما يكرهج

ولا تطرشين له 100000 مسج .. خليه يحس انج انتي تثقين فيه .. لا تبينين له انج تشكين فيه .. ترا مب حلو .. حتى لو كنتي شاكه فيه .. لا تخلينه يحس ...

في حال انج اتصتلي .. لا تخلين كلامج حزين معاه او كله عتاب و تنكدين عليه طلعته .. لا .. خلي كل كلامج ظحك وسوالف .. مثلا اتصلتي ورد عليج قوليله .. (( يا عمري مشغول ولا فاظي ؟ ... بس حبيت اعرف شو تباني اطبخ لك اليوم )) .. أو .. (( فديتك وانته ياي خذلي معاك عصاير فرش )) .... يعني حسسيه ان مالج غيره وانج محتاجه له بس باسلوب ذكي مب باسلوب الشك والغيره والعتاب

وبعدين الحرامي مابيقولج انا حرامي ... لكن المسكين اذا قلتيله انته حرامي وسرقت بيستوي حرامي وبيسرق .. لانج خليتيه بهالصوره في نظرج .. ف بيقول في خاطره مابتفرق عندها لو سويت الي تفكر فيه :) لانها من الاساس خلته في بالها

حاسبي على ريلج .. وربي يوفقج معاه .. واذا مافهمتي علي خبريني .. لاني مستعيله .. طالعه مع زوجي خخ

[ابن جهينه]

أبحثى بالنت عن مادة صوتيه بأسم جنة الرضى لأبراهيم الدوبش

راح تعجبك وتستفيدين منها

[ملاك الذوق]

يسلمو حبايبي
يعطيكم الف عااااااااافيه

[ابو ريفال]

يسلموووووووووووو

[محتاره88]

الله يهديك

[علمتهااا كل الفنووون]

الى تسويه خطا

وكيد يبي يمل

عليك بترك هذه الطريه نهاي

[أبو عبد العزيز]

هل انت عصبية تدربي على الهدوء وعدم العجلة

[الام الحنون 8]

سبحانك اللهم وبحمدك ، أشهد أن لا إله إلا أنت أستغفرك وأتوب إليك