ليش الرومانسيه في الرجال معدومه

[ام لمار123]

دايم اسأل هذا السؤال لنفسي ولزوجي واخوي وابوي ليش الرجل يعتبر الرومانسيه عند المرأه شي تافهه لا تقولون مو كلهم اوكيه بس الأغلب وليش الرجل ما يبادر المرأه بحركه رومانسيه لازم هي اللي تبدء والا مو لازم منها يكفي يشبع رغباته وقتها يكون حنوووووووووووووووون وطييييييييييييييييييييييب بعدين طنااااااااااااااااااش
انا مشكلتي الرومانسيه واتعب كثير وانا اجهز لليله خاصه وشموع وورد وعشاء وميوزك هادي وحمام حلو واروح اجيب شغلات خاصه واتعب نفسي واخر شي الله حلو يعطيك العافيه احرجتيني وبسسسسسسسسسسسسسس
طيب سوا لي مره وحده لاااااااااااا وديني يوم من غير طلب لمكان حلو لاااااااااااا بعدين حتى الهديه رغم انه كريم بس لازم اطلب مع اني كل شهر اجيب له شغله حلوه
تخيلوا ما بقت فكره رومانسيه في المنتدى وغيرها ما سويتها بس لا حياة لمن تنادي صحيح تغير معي كثييييييييير واحسه يرغبني بس الرومانسيه لا يقول ماعرف وهذا دور الزوجه وش الحل معه

[محمد التميمي]

ياهم قلبي أنا بس

الله يخليكي لزوجك

[حلا 19]

انا اقول لك حلوه الرومانسيه بس مو كل ليله ولا كل شهر تشتري له يعني في المناسبات واحيانا سويها مفاجاه
يمكن زوجك مو مره رومانسي وانت كل شهر تجيبين له شي اهو بيخجل منك بس بيحس بظغط
يعني بيقول بنفسه انا بجازيها اذا سويت لها نفس الشي واهو مايبي كل شهر وكل يوم حركه ورومنسيه فخليك وسط علشان يقدر يصير زيك

[لمااا]

ههههههههههههه

والله ضحكت يوم شفت كلامك يام لمار ..ذكرتيني بصديقتي الحميمه وشكواها من هذا الموضوع

شوفي ياستي بعطيك نفس الوصفه الي قلتها لها علها تنفع معاك وترى الناس الي يعرفون يتعاملون بالرومنسيه الحقيقيه هذولا قلييييل

دايم اسأل هذا السؤال لنفسي ولزوجي واخوي وابوي ليش الرجل يعتبر الرومانسيه عند المرأه شي تافهه لا تقولون مو كلهم اوكيه بس الأغلب

مايعتبرونها تافهه صدقيني ..وكل واحد يحتاجها بس حجم الاحتياج لها يختلف من شخص لاخر ..واذا زادت يعتبرها تفاهه لانه يشوف انه في اشياء اهم منها في الحياه

وليش الرجل ما يبادر المرأه بحركه رومانسيه لازم هي اللي تبدء والا مو لازم منها يكفي يشبع رغباته وقتها يكون حنوووووووووووووووون وطييييييييييييييييييييييب بعدين طنااااااااااااااااااش

لانه مو في حاجتها كثير.. اذا جات رحب واذا غابت ما يفقدها كثير ..الا كثرتها ممكن تضايقه

وذا كان حنون في اوقات فالمصلحه تستدعي ذلك والا يعرف انها ما بتعطيه وجه بدون حركات ..

ا

نا مشكلتي الرومانسيه واتعب كثير وانا اجهز لليله خاصه وشموع وورد وعشاء وميوزك هادي وحمام حلو واروح اجيب شغلات خاصه واتعب نفسي واخر شي الله حلو يعطيك العافيه احرجتيني وبسسسسسسسسسسسسسس

لانه شاف منك مجهود يستحق الثناء بس امكانيته ماتسمح له باكثر من ذي العبارات

طيب سوا لي مره وحده لاااااااااااا وديني يوم من غير طلب لمكان حلو لاااااااااااا بعدين حتى الهديه رغم انه كريم بس لازم اطلب مع اني كل شهر اجيب له شغله حلوه

ما يسويها لانها ما تخطر على باله ..وان خطرت يحس انه مجهود على دماغه ههههه ..في ناس ما تشوف متعة الحياه الا بمشاركه الزوجه في كل تفاصيلها ويحب يشوف الفرحه في عيونها
وفي ناس اهم شي يكون في سكينه ورواقه وهذي تكفي عن الرومنسيات
مو كل الناس يام لمار تعرف اش معنى الهديه وتترك انطباعات عندهم

تخيلوا ما بقت فكره رومانسيه في المنتدى وغيرها ما سويتها بس لا حياة لمن تنادي صحيح تغير معي كثييييييييير واحسه يرغبني بس الرومانسيه لا يقول ماعرف وهذا دور الزوجه وش الحل معه

والله كلامها بالحبه ورد زوجها بعد ههههههههههه بعد هي سارت احسن هالسنين الاخيره

الحين انا حاولت افك بعض الاستفهامات الي خطرت على بالك وان شاء الله اكون وفقت من خلال ما عرفته عن شخصية زوجها الي ممكن تكون زي زوجك


الحين نجي للحل الي ممكن ينفعك زي ما ينفعها احيانا بعد ما تنشف رررريقي اذا ىزعلت من ذا الموضوع ههههههه

..طلما الوحده الله مكرمها بزوج اقل شي ما يحطمها ويجاملها هذي لوحدها ...نعمه ..

ادري ان الوحده تتمنى انسان يحس فيها ويستشعر كل خطواتها. بس اذا كان ما عنده هذا المدى من الاحساس وش يسوي في روحه ..لازم هي ساعتها تطالع في الايجابيات الي فيه وتحب هذي الكميه من الرومنسيه مهما كانت ضئيله قدام مجهودها ..ادري هالنوع الي زيك ما يكفيهم ..احبك حياتي ..انتي روحي ...الي تجي احيانا بالشحته والاستجواب .. بس انها نعمه ولا العدم
طالعي في جانب ايجابي اخر ..الانسان الي مو رومنسي كثير في العاده يجي عاقل ..يعني ما يغلب زوجته بالنظر في الحريم ....الخ ..ادري انه كل الرجال شافو كل شي ويعرفون كل شي بس نظراتهم ما تكون بجنون
ترى الانسان الرومنسي على اصوله انسان ..(م ت ع ب ).. والله يعين الي ابتليت برجال زي كذا لانه مهما جاته ..حيشبع في يوم وحتزيغ عينه وترجع تقول ليته كان بليد احسن

فكري شوي ..لو خيرتك بين رومنسي عينه زايغه والا رومنسي يفك الخط وعاقل

ادري بتقولين ابي واحد يعبر شوي لا كذا ولا كذا ..بس اسفه ياستي ما عندما خيار ثالث هههههه
موكل شي يجي في الدنيا على هوى الانسان وهو الي يحط له معيار. هذي ارزاق الله موزعها و لازم يرضى فيها مهما زعلته

عموما حبيت اخليك تشوفين الجانب الايجابي من هذي الشخصيه ..وتستمتعين بالموجود لانه القليل نعمه تشكر امام العدم ..والعدم نار تحرق المحرومين

ملاحظه ..في مره نصحتها باتباع الصراااحه المممطلقه مع زوجها في كل المواضيع وفي اوقات مناسبه ..ونفعتها مع التكرار على قد امكانياته الموجوده ..جربي معاه وخلك زيها ترها ما شاء الله ما تحب اليأس وانا والكل نحي هالشي فيها

والله يجعل ايامك هنا وسعاده يوفقكم لما يحبه ويرضاه

[ام لمار123]

شاكره ردودكم بس ابس اوضح شي زوجي قليل جدا انه يعبر عن مشاعره بل نادر لكن في المقابل شديد الغيره علي حتى من اخواتي صحيح احس بحبه في النقطه هذي بس اوقات كثيره احتاج لكلمه حلوه وانا من النساء اللي كلمه تحييني وكلمه تموتني حساسه كثير ومعه صبوووووووووووووووره جدا جدا واتغاضى عنه بس فيه دفاشه مو في وقتها مره لبست وشخصت له وشموع وحركات وميوزك وغيرت شعري ولبست له لبس روعه تدرون وش قال
قال شكلك مداومه في محلات اللانجري عرفوك كل مره اشوف شي جديد وغريب وتلبسينه مره وحده وخلاص وطبعا مو صحيح كلامه بس انا اذا كررت لبس اضيف شي عليه عشان احس بالتغيير فيحس انه جديد حطمني ليلتها مره بعدها حسيته انحرج مني وحاول يلاطفني انا هنا ما خربت الليله جاملته بس من داخلي ابكي قهر بس فشلته قلت له بس طالع على حلو صح ولا عمرك تعودت هالشي لأنه متزوج اولى وانا ثانيه هنا سكت وقام يحاول يصالحني ودي اكون مثله معدومه المشاعر بس ما اقدر حتى لما ارسل له باقة ورد في محله يقول انا وين احط هالورد خليته بالسياره ما ابي احد يشوفه لأنه بيروح استراحه طيب كان مر علي في طريقه وحطه عندي وطلع او حتى طنش الاستراحه هذي اللي مجننتني يوميا من تزوجته

[ريـوف]

تدرون وش قال
قال شكلك مداومه في محلات اللانجري عرفوك كل مره

هههههههههههههه

معليه في ناس دفشين وماعندهم اسلوب.. وهو بهالأسلوب مارح يحرج الا نفسه

الظاهر انك حساسة ورومانس كثير وهو عكسك ، فـ حاولي تقربي منه ومن شخصيته حتى يرتاح اكثر ومايحس انك تضغطي عليه وبالتالي يشعر بالحرج معك ..

مو كل الرجال رومانسيين ويهتمو بهالشئ ، فبدال تضييع الوقت والجهد في اشياء ماتهمه كثير ابحثي عن اهتماماته وركزي عليها شوي ..

بس فشلته قلت له بس طالع على حلو صح ولا عمرك تعودت هالشي لأنه متزوج اولى وانا ثانيه

نصيحه.. لاتحاولي تعايريه وتتفضلي عليه وتبيني له انك انتي الأفضل بالكلام خليه يشعر بهالشئ من افعالك أفضل ..

ترى الانسان الرومنسي على اصوله انسان ..(م ت ع ب ).. والله يعين الي ابتليت برجال زي كذا لانه مهما جاته ..حيشبع في يوم وحتزيغ عينه وترجع تقول ليته كان بليد احسن

صحيح هالكلام ؟!!

[مرقوق]

ليش الرومانسية في الرجال معدومة


والله سؤال مهم ودايم افكر فية


يمكن التربيه او يمكن مجتمعنا ذكوري


او يمكن اننا نرى اضاهر مشاعرنا ضعف


فعلاً الرومانسية بعيدة عنا


ومشكلة بناتنا رومانسيات بزيادة ورجالنا كتومين بزيادة ولا فيه امل يظهر مشاعرة


وعلى فكرة هاذي مشكلة 90% من المتزوجات من بناتنا


تدرين وش الحل في نظري الثاقب هههههه


مالك الا الصبر او التأقلم مع الوضع


وسلامتك


والله يعينك ويعينا

[محرومة من الي احبه]

ما اقول الا الله يعنيك والله
ترى اغلب الرجال كذا الا من رحم ربي
قلبي معاك حبيبتي

[عاشقة التميمي]

عزيزتى كل الرجال الشرقين الا من رحم الله ما عندهم رومنسيه ولا يعرفون يعبرون عما بداخلهم بس يكون رمنسى اذا اشششششششششششششششششششش وانت افهمي لانه بدون دلع ولا رومنسيه ماهو محصل شىء والمفروض نطنشهم شوى علشان يعرفون وشلون ان الرمنسيه حلاه الحياه

[الأمل موجود]

والله اني اعاني من نفس مشكلتك
ياليت اذا لقيتي حل تفيديني