|
السلام عليكم...
انا جلست 3 سنوات ماحملت وماخليت دكتوره مارحت لها الي تقولي ضعف في المبايض والي تقول هرمون الحليب مرتفع
والي تقول الرحم عندك طفولي والي تقول الرحم مايل والي تقول يمكن عندك الانابيب مسدوده والي تقول التهابات
ونفس النطام الطب الشعبي وزوجي يفحص ويقولون سليم..
وكل العلاجات كلتها واخذت منشطات وابر وكل شهر اقول انشالله اني حامل تنزل الدوره وتتعب نفسيتي .
وقلت ماتدرين وش الخيره ( وعسى ان تكرهوا شيئا وهو خيرا لكم)
في الاخير مليت وقطعت العلاج وخليتها على الله..
وبعد مرور كم شهر من تركي للعلاج وكان عندي اختبارات في الجامعه
وكان زوجي مسافر برا المملكه شغل اسبوعين جاء من السفروفي خلال الاسبوعين
كان يأكل حبوب منشطه للحيوانات المنويه مع انه سليم بس حاب ينشطها اكثر
وكنت عند اهلي واخذني للبيت وكنت منجد مشتاقه له
المهم كانت ليله حميمه ولها طعم ثاني لن من اول ماتزوجنا وهو ماسافر كله معي واول مره يخليني اسبوعين.
وانا شايله فكره الحمل من راسي بس استغفر كل يوم الف مره وادعي ربي واذاكر اختباراتي.
المهم بعد انتهاء الاختبارات كنت زي العاده استنى الدوره تجي عشان مأأمل نفسي
وجاء يوم موعد نزول الدوره وكنت خايفه وحالتي حاله لانها كم مره تاخرت على واذكر في شهر تاخرت على الدوره 11 يوم
وكنت مبسوطه يوم رحت احلل قالوا مافيه حمل!!! وقالو هذا هرمون الحليب مرتفع فوق 90....
المهم وراح اول يوم من تأخر الدوره والثاني والثالث وراح اسبوع وماجت الدوره وكنت خايفه اروح احلل ويقولون مافيه حمل
وبعد مرور 13 يوم ودي اقول لزوجي يشتري لي تحليل بس كنت خايفه احطمه زي العاده
رحت لأهلي وقلت لخوي يوديني للمستوصف وقال ليش قلت عندي حراره المهم وداني للمستوصف
ودخلت عندهم وطلبت تحليل حمل واخذو دم مني وقالوا ييطلع التحليل بعد 10 دقايق وكانت اطول 10 دقايق كنها 10 سنوات
وجتني الممرضه ومعها التحليل وقالت
ماشاءالله مبروووووووووووووووووووووك انتي حامل والله من الفرحه اعطيتها كل الفلوس الي معي
وخليت اخوي يوديني لبيتي ويوم دخلت لقيت زوجي جالس يناظر التلفزيون .
واروح اسوي القهوه واجي اجلس عنده واسلوف معه وهو ماله نفس يسولف معي .
وارسل رساله لجواله ابشره اني حامل يوم وصلت الرساله لجواله فتحها صار شوي يناظر الجوال وشوي يناظرني وعيونه طالعه
وطاااااااااااااااااااار من الفرحه وتغيرت نفسيته معي وصار يسولف .الله يجعل حياتنا وحياتكم كلها سعاده. اللهم امين.
وانا الحين في الشهر الخامس ادعولي الله يتمم حملي .والله يحقق لكم كل الي تتمنونه.
ودمتم بحفظ الله .
|
العرض العادي
