حيوانات شرسه تلاحقني وتزعجني :(

[((بحرينيه))]

السلام عليكم

بصراحه أنا أخاف من هالسوالف موووووووووووووووووووووت :(

لدرجه اذكر من واني صغيره صادتني شبه الحاله النفسيه

لهذا السبب يعني لما كنت بالمدرسه وعمري تقريبا 10او 12 سنه

كانوا الي معانا بالصف يتكلمون عن الجن ومنها صرت ما اقدر انام

ودائما ابجي بالليل وظلت هالحاله معاي سنه او اكثر شوي

ولازم انام مع امي وابوي ولازم ينتظروني انا اول انام وبعدين هم ينامون

واذا واشوفهم نايمين افزع الدنيا من الصريخ والبجي وما لجأنا الى اي اساليب

علشان اتخلص من هالشئ يعني لا شيخ ولا طبيب نفسي لأنه كان مجرد خوف

لا اكثر ولا اقل يعني لا كنت اشوف ولا اسمع شئ يوحي بأن فيني شئ

المهم هذي نذبه عن موضوع أبي استشير أهل الخبره فيه

أنا قبل سنه تقريباً صرت أحلم أحلام مزعجه يعني صار لي أسبوع

أحلم دائماً بحيه تلاحقني او قطط شرسه جداً ماكو منها على ارض الواقع

ودائماً يلحقوني ويبون يأذوني بس أنا اشرد منهم ألين ربي نجاني

ودائماً أحلم أني أهوي من أماكن مرتفع لدرجه مع الهويه أقعد من النوم مفزوعه

وأحيانا راسي يعورني

وبعد هالاسبوع تم توقيف زوجي بالشرطه على سالفه اهو ماله شغله فيها

ومنها راحت الاحلام المفزعه

ما ادري شنو علاقة هذا بهذا بس أنا كنت جداً مستاءه من هالاحلام

فما ادري هل الاحلام عاديه والا أكو شئ :(

لأني خوافه درجه اولى خصوصا من سوالف جن وما شابه

من جذي ما راح اتجول بهالقسم كثير علشان ما ترجع لي حالة الخوف

خصوصا اني ابقى لوحدي بالبيت فترة الي زوجي بالشغل والحمدلله ما اخاف من شئ

بس ان طولت بهالقسم وأشبعت فظولي الا بتجيني حاله نفسيه


أتمنى انكم تردوا علي وما تتجاهلوا رسالتي

وأشكركم

[راعي الوفاء]

عليكي با أذكار الصباح والمساء
وان شاء الله يفيدونك المختصين

[((بحرينيه))]

أشكرك أخوي

على مرورك واهتمامك

[أبو عمار]

الأخت البحرينية


ربما تجدى ما تريدين أن تعرفيه فى هذا الموضوع

أعراض إقتران الشيطان بالإنسان


وأيضا أقرئى هذا

أنواع إقتران (( مس)) الجن للإنسان

وليس شرط أن يكون عندك عارض أو أثين من التى ذكرت بالموضوع أن بك مس جان ... لكن أنصحك بقراءة الموضوع لآخره ...وأى استفسار أنا فى الخدمة


أخوكِ أبو عمار

المشرف السابق للقسم الإسلامى

[((بحرينيه))]

ابو عمار

مشكور ويعطيك العافيه

[الغلا محمد]

اختي في قنوات القران فيها 24 ساعه خلي الجهاز شغال
وعندك بعد الدعاء لا تنسيه خصوصا ادعيه الخوف

[بنت رزة]

الله كريم ياخني خلي ايمانك قوي وقولي لا اله الا الله

[((بحرينيه))]

مشكورين الله يعطيكم العافيه

لا اله الا الله وحده لا شريك له

أنا الحمدلله الحين ما أعاني من مثل هالاحلام

هاي كان قبل مده وقرأة بعض المواضيع خلتني اتخوف

والحمدلله رب العالمين على نعمة الأمن والأمان

والله يمن فيها على الجميع رب العالمين

[فـهـد 777]

بحرينية لاتنسي اذكار الصباح والمساء ..


وكل اللي تفكرين فيه اكيد ماله اي شي من الواقع ..

ولاتكبري المسئلة ..

وماتشوفي شر ان شالله

[سيدة النجوم]

هذي المخاوف اللي بنفسك تجيك على هيئة احلام

والاحلام اساسا تنبىء احيان باحداث مثل الحيوانات والحشرات هذي يفسرونها باتفاسير الاحلام على انهم اعداء