منتدى الحياة الزوجية | دليل النساء المتزوجات | الثقافة الزوجية والعائلية

منتدى الحياة الزوجية | دليل النساء المتزوجات | الثقافة الزوجية والعائلية (http://forum.z4ar.com/)
-   المشاكل الزوجية - المطلقات - طلاق - الأرامل - التأخر في الزواج (http://forum.z4ar.com/f78.html)
-   -   واخيرا شافت ؛؛زهر البيسان؛؛اغراضها،،لكن !!؟ (http://forum.z4ar.com/f78/t266736.html)

زهر البيسان 12-02-2013 05:58 AM

واخيرا شافت ؛؛زهر البيسان؛؛اغراضها،،لكن !!؟
 
السلام عليكم ورحمة الله ......*
صباااحكم زهر وجوري ومساؤكم ورد وكااادي .......
انا كتبت مشكلتي هنا قبل فتره وكنت اتمنى كل ساعه انو تجي اللحظه اللي اكتب فيها بجانب عنواني (تعقييييب) واكتب ان ربي فرجها ونصرني و و و *لكن الحمدلله على كل حااال.....
* * المهم اهلي راحو اخذو اغراضي من بيتي ولقيو اانهم قد جمعوها وجهزوها عند الباب يعني بس اخوي نزل شالهم بالسياره وكانت مغبببره مو هنا مشكلتي !!*
مشكلتي انهم حرقو قلبي كسرو قلبي حطموووه حسبي الله عليهم دنيا وآخره ....
والله قدام اهلي اكاابر مابي امي تشوف حزن بعيوني ولا ابي تحس اني متألمه مابيها تتعب عشاني حسبي الله عليهم قاعده اجاهد واصارع وابين البسمه واضحك واسولف بس دااخلي منهااار منهار.....
* *انا جلست شهر وعليه مابي اشوف اغراضي ابدا رغم انها بالغرفه اللي جنبي بس مابي اشوفها واعيد ذكريات تعبت وعانيت ع بال مانسيتها....*
* *وفي الاخير قررت اشوفها واريح راسي واخذ التعب مره وحده ،،، مجرد دخولي الغرفه شميت ريحة بيتي نغزني قلبي ونزلت دموعي يالله ريحة بيتي عالقه بأغراضي يالله ما احلاها مشتاقه لبيتي للحياه الزوجيه بس ابيها مع شخص ثااني مع شخص يحس ويقدر مع انسان انسان مو وحش!!!*
طالعت فيها لقيت ثلاث شنط والباقي ب اكياس زباله !! اكياس زباله عاد!!*
فتحت اول شنطه وشفت ملابسي وربي انها جديده ولاكأني لبستها عشت معاه سنه وكم شهر يعني الاربع شهور بس اللي لبستها ولما حملت شريت ملابس حمل.....*
آآآه ياقلبي تعباان ...
بقولكم حركاتهم وانتو شوفو معي حق انقهر او لا !
&اولا انهم هم لمو اغراضي وهذا اول قهر ليش يدخلو غرفتي ويفتشو فيها ويلموها ليه ما اتصلو علينا نروح ناخذها ليييش؟؟؟
&اغراضي ناااقصه يعني ملابسي تبع الحمل والنفاس ماجابوها ليش؟!وش يبون فيها ؟لان ولدهم شراها؟!معقوله كذا؟احد يخبرني ليش ماجابوها تنانير الحمل وبناطيل الحمل روبات النفاس ،، الام وبناتها اطول مني واعرض *يعني مستحيل تجيهم ومستحيل يلبسوها لانها تبع حمل !؟؟
&اغراض ولدي ملابسه وجزمه مالها اثر اقسم باللي رفع السماء لو احد يشوف اغراضي مايتوقع ان عندي بيبي لانهم ما ارسلو شي من اغراضه !! *ماعندهم طفل بسن طفلي ليش ماجابوها !! في كثير من هدايا ولادتي كانت ملابس وجزم لعمر السنه ومافوق وكنت محتفظه فيها ليش ماجابوها!!يعني زوجي مادفع فيها ليه تركوها!! ياعالم هذا حفيدهم مستكثرين فيه!!!وربي حتى دفتر تطعيماته ودفتر ولادته ماجابوها!!
&العابه ،،اول مانزل لي حافز طرت على محل العاب وشريت له العاب بالهبل وكانت جديده وربي جديده لانه كان صغير عليها ما ارسلو لعبه منها ولا لعبه !!*
&صوري لقيتها مقصوصه ليش طيب!؟!ليش يقصوها؟ وش هالحقد كله!؟
&ساعاتي وعطوراتي الغاليه على قلبي مي موجوده !! صح حرقو قلبي بس مو حلوه في حقهم يكونو سراقين!!
&دفتر ذكرياااااااتي مو موجوده عندي دفترين واحد معي من قبل الزواج وواحد بعد الزواج >>هنا اوجعو قلبي هنا اقول لكم انو ماعاد في امل احيا ابد ،، دفتري من وانا عمري 13ذكرياتي يومياتي اسراري كلها فيه مافيه شي استحي منه بس مااحب احد يطلع عليها 12سنه محافظه عليه و12سنه محد يدري وش فيه اول غرض اخذته معي لبيت الزوجيه هو متنفسي هو الوحيد اللي افضفض له لييش ياخذوه ليش يخلوه عندهم انا ابيه قطعو قلبي الله لايسامحهم لادنيا ولا اخره والله اني محتاجته احسه يحس فيني الله يحرمهم عافيتهم.....
&،الدفتر الثاني شريته للزواج فقط انا شريته عشان اكتب طلعاتنا فيها انا وزوجي ووش اكلنا وفين رحنا و و ،،وربي ماتعديت ست صفحات !! *لاطلعت ولا استانست وتركته لمعاناتي وتركت الصفحات الاوله وبديت من الصفحات الاخيره اشكي فيها ولساتي اذكر جمله كتبتها فيه وكان اول عيد فطر لنا ومخاصمني ولايكلمني لاني ماحملت وانا كنت حامل بس مادريت (وكتبت اليوم اول عيد وانا متزوجه وقاعده انتظر احد يجي يعزي)ههه ........
&البوم فيه رسوماتي كمان من وانا عمري13عندي موهبة الرسم وفيه رسوماتي اللي تكرمت عشانها تركوه عندهم.... **
* .
واخيـــــرا،،،،،،، بذكر جزء بسيط من معاناة ام معلقه..
رحت اطعم ولدي وطلبت الدكتوره دفتر التطعيمات قلت مو عندي ضايع قالت طيب دفتر العائله تبعه قلت مو عندي قالت بطاقة زوجك قلت ماعندي!!طلبت اشيل النقاب قالت هذا ولدك قلت ايه قالت وش يثبت !!هنا كنت ابي اصيييح وابكي وش ارد ووش اقول ؟!!ياااعالم تسع شهووور ببطني و14ساعه من الم الولاده وثلاث شهووور تعب وسهر في رعايته وتقولو كيف اثبت انه ولدك!!!! خبرتها اني معلقه والاب مدري فينه وتعبوني روحه وجيه للمدير وفتح ملف ودفتر جديد وتوقيع وتحمل مسؤؤليه واثبات وكرت اخوي وتوقيعه واثباته وبصمه كل هذا عشان حثااله مو قد انه يكون مسؤؤليه وتركني وولدي مجهولين !!

*** *........ *يعني رجعت لبيت اهلي بدون ماضي رجعت لاهلي انسانه مجهوله بذكريات مؤلمه قاااسيه .......*
* * *☆☆☆دعوه منكم تفتح لها ابواب السماء لعلها تفرج ويرتاح قلب عاانى ومازال يعاني☆☆☆

إنسان / رجل 12-02-2013 07:12 AM

رد: واخيرا شافت ؛؛زهر البيسان؛؛اغراضها،،لكن !!؟
 
أعوذ بالله من الشيطان الرجيم
أشد أنواع العذاب هي العذاب النفسي (لدرجة تحس جبل على صدرك من شدة الضيقة اللي فيك)
ماله علاج إلا التقرب الى الله سبحانه
(جربي الوتر بثلث الليل الأخير وادعي بكل اللي في خاطرك لا تبقين شيء وبثي همك وحزنك وشكواك للقادر على كل شيء سبحانه واكثري الاستغفار اثناء يومك)
يا أختي الله ابتلاك ابتلاء عظيييييييييم جداً
ما احد يعرف قدر معاناتك الا الله سبحانه
اجزم ان كل عضو عنده مشكلة او شيء يكدر خاطره (مثلي) ودخل هالموضوع
حس بتفاهته .. ما أقول إلا الله يصبرك .. الله يصبرك ويربط على قلبك
وتذكري إن الصحابة (وهم الصحابة!) يتمنون بعد مماتهم لو يردون للدنيا ويتعذبون أشد عذاب
لأن الإبتلاء إذا صبر عليه العبد أجره عظييييييييم جداً (وابحثي بالأنترنت وتلقين مئات الصفحات تتكلم عن هالأمر)
وتذكري إن الله عز وجل ارحم بك من أمك! الله اعلم معاناتك كم انقذتك من سنة في النار او كم رفعتك من درجتك في الجنة
و وييييييين عذاب جهنم عن مصيبتك هاذي!!
(روحي المطبخ وشغلي النار وحطي يدك فوقها دقيقة وحدة بس تتحملين؟)

وتذكري

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "يُؤْتَى بِأَنْعَمِ أَهْلِ الدُّنْيَا مِنْ أَهْلِ النَّارِ يَوْمَ الْقِيَامَةِ فَيُصْبَغُ فِي النَّارِ صَبْغَةً ثُمَّ يُقَالُ: يَا ابْنَ آدَمَ هَلْ رَأَيْتَ خَيْرًا قَطُّ؟ هَلْ مَرَّ بِكَ نَعِيمٌ قَطُّ؟ فَيَقُولُ: لَا وَاللَّهِ يَا رَبِّ وَيُؤْتَى بِأَشَدِّ النَّاسِ بُؤْسًا فِي الدُّنْيَا مِنْ أَهْلِ الْجَنَّةِ فَيُصْبَغُ صَبْغَةً فِي الْجَنَّةِ فَيُقَالُ: لَهُ يَا ابْنَ آدَمَ هَلْ رَأَيْتَ بُؤْسًا قَطُّ؟ هَلْ مَرَّ بِكَ شِدَّةٌ قَطُّ؟ فَيَقُولُ لَا وَاللَّهِ يَا رَبِّ مَا مَرَّ بِي بُؤْسٌ قَطُّ وَلَا رَأَيْتُ شِدَّةً قَطُّ"


فلا يغرك حال بعض الناس حولك ونعيمهم بالدنيا لأنها دار عمل وليست دار قرار
السعيد من خرج منها بأكبر رصيد وأنتي أعطاك الله فرصة وسبيل للأجر العظيم فأصبري واحتسبي والله بيجازيك خير الجزاء
وضيقة الصدر حلها قراءة القرآن الكريم والصلاة والبكاء عند الدعاء (ابكي لحد ما تخلص دموع عيونك وتذكري انك بين يدين ارحم الراحمين سبحانه والبكاء يخفف عنك الضغط)

واحسني الظن بالله سبحانه
قال الرسول - صلى الله عليه وسلم - يقول الله تعالى :
(( أنا عند حسن ظن عبدي بي, فليظن بي ما شاء))

يارب يكون موضوعك الجاي عن تفريج كربتك وتسهيل أمرك كله
قال تعالى : {ومن يتق الله يجعل له مخرجاً . ويرزقه من حيث لا يحتسب}

وقال الرسول - صلى الله عليه وسلم - : ((يَا غُلَامُ, إِنِّي أُعَلِّمُكَ كَلِمَاتٍ: احْفَظْ اللَّهَ يَحْفَظْكَ, احْفَظْ اللَّهَ تَجِدْهُ تُجَاهَكَ, إِذَا سَأَلْتَ فَاسْأَلْ اللَّهَ, وَإِذَا اسْتَعَنْتَ فَاسْتَعِنْ بِاللَّهِ, وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ, وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ, رُفِعَتْ الْأَقْلَامُ وَجَفَّتْ الصُّحُفُ))

وبإذن الله لك من اخوانك واخواتك الدعاء .
الله يوفقك ويفرج كربتك عاجل غير اجل .

روحي فدا عيونك 12-02-2013 02:17 PM

رد: واخيرا شافت ؛؛زهر البيسان؛؛اغراضها،،لكن !!؟
 
الله يعينك ي قلبي
تقطع قلبي علييييييك وربي
أغراضك جيبيها الباقي لاتخبينها عندهم طالبي فيها وحتى اغراض ولدك
الله يحفظك ويحفظلك ولدك
دعواتي القلبيه لك

أوشين 12-02-2013 03:05 PM

رد: واخيرا شافت ؛؛زهر البيسان؛؛اغراضها،،لكن !!؟
 
صفحة انطوت...
انسيها يا زهرة البيسان وانظري للأمام...
المستقبل افضل إن شاء الله...

نبض العمر 12-02-2013 03:05 PM

رد: واخيرا شافت ؛؛زهر البيسان؛؛اغراضها،،لكن !!؟
 
" فَإِنَّ مَعَ الْعُسْر يُسْرًا إِنَّ مَعَ الْعُسْر يُسْرًا"


ربي يعوض عليكـ

ويحفظ ولدكـ من كل شر

ندى مقبل 12-02-2013 03:24 PM

رد: واخيرا شافت ؛؛زهر البيسان؛؛اغراضها،،لكن !!؟
 
ربي يعوضك كل خير ..
أنسي أو تناااسي وتجااهلي بقيه أغراضك ..
صدقيني ربي مااايضيع حق مظلوم ..

زهر البيسان 12-02-2013 05:32 PM

رد: واخيرا شافت ؛؛زهر البيسان؛؛اغراضها،،لكن !!؟
 
اقتباس:

المشاركة الأصلية كتبت بواسطة إنسان / رجل (المشاركة 9269365)
أعوذ بالله من الشيطان الرجيم
أشد أنواع العذاب هي العذاب النفسي (لدرجة تحس جبل على صدرك من شدة الضيقة اللي فيك)
ماله علاج إلا التقرب الى الله سبحانه
(جربي الوتر بثلث الليل الأخير وادعي بكل اللي في خاطرك لا تبقين شيء وبثي همك وحزنك وشكواك للقادر على كل شيء سبحانه واكثري الاستغفار اثناء يومك)
يا أختي الله ابتلاك ابتلاء عظيييييييييم جداً
ما احد يعرف قدر معاناتك الا الله سبحانه
اجزم ان كل عضو عنده مشكلة او شيء يكدر خاطره (مثلي) ودخل هالموضوع
حس بتفاهته .. ما أقول إلا الله يصبرك .. الله يصبرك ويربط على قلبك
وتذكري إن الصحابة (وهم الصحابة!) يتمنون بعد مماتهم لو يردون للدنيا ويتعذبون أشد عذاب
لأن الإبتلاء إذا صبر عليه العبد أجره عظييييييييم جداً (وابحثي بالأنترنت وتلقين مئات الصفحات تتكلم عن هالأمر)
وتذكري إن الله عز وجل ارحم بك من أمك! الله اعلم معاناتك كم انقذتك من سنة في النار او كم رفعتك من درجتك في الجنة
و وييييييين عذاب جهنم عن مصيبتك هاذي!!
(روحي المطبخ وشغلي النار وحطي يدك فوقها دقيقة وحدة بس تتحملين؟)

وتذكري

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "يُؤْتَى بِأَنْعَمِ أَهْلِ الدُّنْيَا مِنْ أَهْلِ النَّارِ يَوْمَ الْقِيَامَةِ فَيُصْبَغُ فِي النَّارِ صَبْغَةً ثُمَّ يُقَالُ: يَا ابْنَ آدَمَ هَلْ رَأَيْتَ خَيْرًا قَطُّ؟ هَلْ مَرَّ بِكَ نَعِيمٌ قَطُّ؟ فَيَقُولُ: لَا وَاللَّهِ يَا رَبِّ وَيُؤْتَى بِأَشَدِّ النَّاسِ بُؤْسًا فِي الدُّنْيَا مِنْ أَهْلِ الْجَنَّةِ فَيُصْبَغُ صَبْغَةً فِي الْجَنَّةِ فَيُقَالُ: لَهُ يَا ابْنَ آدَمَ هَلْ رَأَيْتَ بُؤْسًا قَطُّ؟ هَلْ مَرَّ بِكَ شِدَّةٌ قَطُّ؟ فَيَقُولُ لَا وَاللَّهِ يَا رَبِّ مَا مَرَّ بِي بُؤْسٌ قَطُّ وَلَا رَأَيْتُ شِدَّةً قَطُّ"


فلا يغرك حال بعض الناس حولك ونعيمهم بالدنيا لأنها دار عمل وليست دار قرار
السعيد من خرج منها بأكبر رصيد وأنتي أعطاك الله فرصة وسبيل للأجر العظيم فأصبري واحتسبي والله بيجازيك خير الجزاء
وضيقة الصدر حلها قراءة القرآن الكريم والصلاة والبكاء عند الدعاء (ابكي لحد ما تخلص دموع عيونك وتذكري انك بين يدين ارحم الراحمين سبحانه والبكاء يخفف عنك الضغط)

واحسني الظن بالله سبحانه
قال الرسول - صلى الله عليه وسلم - يقول الله تعالى :
(( أنا عند حسن ظن عبدي بي, فليظن بي ما شاء))

يارب يكون موضوعك الجاي عن تفريج كربتك وتسهيل أمرك كله
قال تعالى : {ومن يتق الله يجعل له مخرجاً . ويرزقه من حيث لا يحتسب}

وقال الرسول - صلى الله عليه وسلم - : ((يَا غُلَامُ, إِنِّي أُعَلِّمُكَ كَلِمَاتٍ: احْفَظْ اللَّهَ يَحْفَظْكَ, احْفَظْ اللَّهَ تَجِدْهُ تُجَاهَكَ, إِذَا سَأَلْتَ فَاسْأَلْ اللَّهَ, وَإِذَا اسْتَعَنْتَ فَاسْتَعِنْ بِاللَّهِ, وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ, وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ, رُفِعَتْ الْأَقْلَامُ وَجَفَّتْ الصُّحُفُ))

وبإذن الله لك من اخوانك واخواتك الدعاء .
الله يوفقك ويفرج كربتك عاجل غير اجل .

جزاااك الله كل خير كلامك جمييل وريح بالي الله لايحرمك الاجر يارب
مشكور اخوي على مرورك وتفاعلك الف شكر

زهر البيسان 12-02-2013 05:38 PM

رد: واخيرا شافت ؛؛زهر البيسان؛؛اغراضها،،لكن !!؟
 
الغالين ؛؛ روحي فدا عيونك.. اوشين..نبض العمر..ندى مقبل
بأذن الله راح احاول انسى واتجاهل لكن حبيت افضفض هنا اختنقت من حركاتهم مايكفيهم دمرو حياتي !حتى وانا بعيده يأذوني!!
الله لايذيقكم ضيقه ولايسلط عليكم ظالم
والله مروركم شرفني وتفاعلكم اسعدني

&moon& 14-02-2013 07:32 AM

رد: واخيرا شافت ؛؛زهر البيسان؛؛اغراضها،،لكن !!؟
 
يا ستي احمدي ربك انه رجع لك شي من اغراضك

انا اغراضي قسمهم اثلاث.. ثلث وزعه ع اهل العماره خخخخخ

وثلث رماه لزباله " وانتم بكرامه "

وثلث شالوه لهم

ما خرجت منه الا بنص الذهب وشنطة ملابس خذتها معي يوم طلعت.. وبس

الله يعوضك ويعوضني بخير من ذولا اشباااه الرجال

وحسبنا الله ونعم الوكيل

زهر البيسان 14-02-2013 05:41 PM

رد: واخيرا شافت ؛؛زهر البيسان؛؛اغراضها،،لكن !!؟
 
اقتباس:

المشاركة الأصلية كتبت بواسطة &moon& (المشاركة 9280094)
يا ستي احمدي ربك انه رجع لك شي من اغراضك

انا اغراضي قسمهم اثلاث.. ثلث وزعه ع اهل العماره خخخخخ

وثلث رماه لزباله " وانتم بكرامه "

وثلث شالوه لهم

ما خرجت منه الا بنص الذهب وشنطة ملابس خذتها معي يوم طلعت.. وبس

الله يعوضك ويعوضني بخير من ذولا اشباااه الرجال

وحسبنا الله ونعم الوكيل

ههههه الله ينتقم منهم ...
ياحياتي الحمدلله لقيت وحده عانت من اغراضا مثلي...
الله يعوضنا بأخير منهم

هَذَيَــآن أنثـے 15-02-2013 10:44 AM

رد: واخيرا شافت ؛؛زهر البيسان؛؛اغراضها،،لكن !!؟
 
حبيبتي احمدي ربك رجعولك بعض من اشيائك
انا مارجعولي ولا شي حتى صور زواجي اخذوها
نصيحة من وحدة تعلقت 10 سنوات
لا تضيعين عمرك بالتعليق اطلبي الخلع
وربي راح يعوضك
الحمد الله انا ربي عوضني ونساني الايام اللي ضاعت
صدقيني
دعوة في جنح الليل تكفيك
قومي الليل ادعي وابكي كانك تشتكي لحبيب وانتي ساجدة
استغفري باليوم 500 مرة
صدقيني ربي بيعوضك
ربي بيعوضك
ربي بيعوضك
تفاءلي
وافرحي لانك مظلومة ولستي ظالمة

ليه كذا ؟؟؟ 15-02-2013 02:19 PM

رد: واخيرا شافت ؛؛زهر البيسان؛؛اغراضها،،لكن !!؟
 
حسبي الله عليهم حسبي الله عليهم حسبي الله عليهم الله ينتقم لك منهم عاجلا غير اجل ان شاء الله وطيب انتي ما عندك احد يقدر يشكيه للمحكمه عشان غصب يطلقك لانه انا قد قريت انه مو حرام انك تتطلقين ادا كان واقع عليك ضرر ابو اخو عم خال شي وخلي الشيخ يعلمك ادا ممكن تاخدين الاوراق المهمه معك منه او لا

ليه كذا ؟؟؟ 15-02-2013 02:28 PM

رد: واخيرا شافت ؛؛زهر البيسان؛؛اغراضها،،لكن !!؟
 
شوفي ها الفيديو يمكن يفيدك بعدين بشي

‫ظٹط*ظ‚ ظ„ظƒ 3 | #ط*ظ‚ظˆظ‚_ط§ظ„ظ…ط·ظ„ظ‚ط§طھ‬‎ - YouTube

زهر البيسان 15-02-2013 06:52 PM

رد: واخيرا شافت ؛؛زهر البيسان؛؛اغراضها،،لكن !!؟
 
اقتباس:

المشاركة الأصلية كتبت بواسطة هَذَيَــآن أنثـے (المشاركة 9284809)
حبيبتي احمدي ربك رجعولك بعض من اشيائك
انا مارجعولي ولا شي حتى صور زواجي اخذوها
نصيحة من وحدة تعلقت 10 سنوات
لا تضيعين عمرك بالتعليق اطلبي الخلع
وربي راح يعوضك
الحمد الله انا ربي عوضني ونساني الايام اللي ضاعت
صدقيني
دعوة في جنح الليل تكفيك
قومي الليل ادعي وابكي كانك تشتكي لحبيب وانتي ساجدة
استغفري باليوم 500 مرة
صدقيني ربي بيعوضك
ربي بيعوضك
ربي بيعوضك
تفاءلي
وافرحي لانك مظلومة ولستي ظالمة

الحمدلله ان ربي عوضك وراحت ايام معاناتك
يالله 10سنوات!!! حسبي الله عليه
يارب الله يفرجها والحمدلله على كل حال
الله يسعد قلبك اسعدني مرورك وردك:gf:

زهر البيسان 15-02-2013 07:10 PM

رد: واخيرا شافت ؛؛زهر البيسان؛؛اغراضها،،لكن !!؟
 
اقتباس:

المشاركة الأصلية كتبت بواسطة ليه كذا ؟؟؟ (المشاركة 9285234)
حسبي الله عليهم حسبي الله عليهم حسبي الله عليهم الله ينتقم لك منهم عاجلا غير اجل ان شاء الله وطيب انتي ما عندك احد يقدر يشكيه للمحكمه عشان غصب يطلقك لانه انا قد قريت انه مو حرام انك تتطلقين ادا كان واقع عليك ضرر ابو اخو عم خال شي وخلي الشيخ يعلمك ادا ممكن تاخدين الاوراق المهمه معك منه او لا

ابوي مايبي المحاكم ورافضها ..
واهل زوجي شرانين وعدائيين اخاف منهم اذا وصلت للمحكمه يبلوني بشي ..
انا ماعاد ابي منه شي الا الطلاق مابي نفقه وغيرها بس يطلق وافتك
مشكوره حبيبتي ع المقطع جزاك ربي خير
ومشكوره على تفاعلك وردك الله لايحرمني منك:gf:


الساعة الآن 02:06 AM.

Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.3.0
جميع الحقوق محفوظه لـ منتديات دليلك للحياة الزوجية - علماَ بان مايكتب بالمنتدى يمثل وجهة نظر الكاتب نفسه